====== Псалтирь. Псалом 36 ======
  - [[old:ps:036:01|Не ревнуй лукавнующым, ниже завиди творящым беззаконие.]] 
  -  [[old:ps:036:02|Зане яко трава скоро изсшут, и яко зелие злака скоро отпадут.]]
  -  [[old:ps:036:03|Уповай на Господа и твори благостыню: и насели землю, и упасешися в богатстве ея.]]
  -  [[old:ps:036:04|Насладися Господеви, и даст ти прошения сердца твоего.]]
  -  [[old:ps:036:05|Открый ко Господу путь твой и уповай на Него, и той сотворит.]]
  -  [[old:ps:036:06|И изведет яко свет правду твою и судьбу твою яко полудне.]]
  -  [[old:ps:036:07|Повинися Господеви и умоли Его. Не ревнуй спеющему в пути своем, человеку творящему законопреступление.]]
  -  [[old:ps:036:08|Престани от гнева и остави ярость: не ревнуй, еже лукавновати, ]]
  -  [[old:ps:036:09|зане лукавнующии потребятся, терпящии же Господа, тии наследят землю. ]]
  -  [[old:ps:036:10|И еще мало, и не будет грешника: и взыщеши место его и не обрящеши. ]]
  -  [[old:ps:036:11|Кротцыи же наследят землю и насладятся о множестве мира.]]
  -  [[old:ps:036:12|Назирает грешный праведнаго и поскрежещет нань зубы своими:]]
  -  [[old:ps:036:13|Господь же посмеется ему, зане прозирает, яко приидет день Его.]]
  -  [[old:ps:036:14|Мечь извлекоша грешницы, напрягоша лук свой, низложити убога и нища, заклати правыя сердцем.]]
  -  [[old:ps:036:15|Мечь их да внидет в сердца их, и луцы их да сокрушатся.]]
  -  [[old:ps:036:16|Лучше малое праведнику, паче богатства грешных многа.]]
  -  [[old:ps:036:17|Зане мышцы грешных сокрушатся, утверждает же праведныя Господь.]]
  -  [[old:ps:036:18|Весть Господь пути непорочных, и достояние их в век будет.]]
  -  [[old:ps:036:19|Не постыдятся во время лютое и во днех глада насытятся, яко грешницы погибнут.]]
  -  [[old:ps:036:20|Врази же Господни, купно прославитися им и вознестися, изчезающе яко дым изчезоша.]]
  -  [[old:ps:036:21|Заемлет грешный и не возвратит: праведный же щедрит и дает.]]
  -  [[old:ps:036:22|Яко благословящии Его наследят землю, кленущии же Его потребятся.]]
  -  [[old:ps:036:23|От Господа стопы человеку исправляются, и пути Его восхощет зело.]]
  -  [[old:ps:036:24|Егда падет, не разбиется, яко Господь подкрепляет руку его.]]
  -  [[old:ps:036:25|Юнейший бых, ибо состарехся, и не видех праведника оставлена, ниже семене его просяща хлебы.]]
  -  [[old:ps:036:26|Весь день милует и взаим дает праведный, и семя его во благословение будет.]]
  -  [[old:ps:036:27|Уклонися от зла и сотвори благо, и вселися в век века.]]
  -  [[old:ps:036:28|Яко Господь любит суд и не оставит преподобных Своих: во век сохранятся: беззаконницы же изженутся, и семя нечестивых потребится.]]
  -  [[old:ps:036:29|Праведницы же наследят землю и вселятся в век века на ней.]]
  -  [[old:ps:036:30|Уста праведнаго поучатся премудрости, и язык его возглаголет суд.]]
  -  [[old:ps:036:31|Закон Бога его сердцы его, и не запнутся стопы его.]]
  -  [[old:ps:036:32|Сматряет грешный праведнаго и ищет еже умертвити его:]]
  -  [[old:ps:036:33|Господь же не оставит его в руку его, ниже осудит его, егда судит ему.]]
  -  [[old:ps:036:34|Потерпи Господа и сохрани путь Его, и вознесет тя еже наследити землю: внегда потреблятися грешником, узриши.]]
  -  [[old:ps:036:35|Видех нечестиваго превозносящася и высящася яко кедры Ливанския:]]
  -  [[old:ps:036:36|и мимо идох, и се, не бе, и взысках его, и не обретеся место его.]]
  -  [[old:ps:036:37|Храни незлобие и виждь правоту, яко есть останок человеку мирну.]]
  -  [[old:ps:036:38|Беззаконницы же потребятся вкупе: останцы же нечестивых потребятся.]]
  -  [[old:ps:036:39|спасение же праведных от Господа, и Защититель их есть во время скорби:]]
  -  [[old:ps:036:40|и поможет им Господь и избавит их, и измет их от грешник и спасет их, яко уповаша на Него.]]