====== Псалтирь. Псалом 37 ======
   - [[old:ps:037:01|Псалом Давиду, в воспоминание о субботе.]] 
  -  [[old:ps:037:02|Господи, да не яростию Твоею обличиши мене, ниже гневом твоим накажеши мене:]]
  -  [[old:ps:037:03|яко стрелы Твоя унзоша во мне, и утвердил еси на мне руку Твою.]]
  -  [[old:ps:037:04|Несть изцеления в плоти моей от лица гнева Твоего, несть мира в костех моих от лица грех моих.]]
  -  [[old:ps:037:05|Яко беззакония моя превзыдоша главу мою, яко бремя тяжкое отяготеша на мне.]]
  -  [[old:ps:037:06|Возсмердеша и согниша раны моя, от лица безумия моего.]]
  -  [[old:ps:037:07|Пострадах и слякохся до конца, весь день сетуя хождах:]]
  -  [[old:ps:037:08|яко лядвия моя наполнишася поруганий, и несть изцеления в плоти моей.]]
  -  [[old:ps:037:09|Озлоблен бых и смирихся до зела, рыках от воздыхания сердца моего.]]
  -  [[old:ps:037:10|Господи, пред Тобою все желание мое, и воздыхание мое от Тебе не утаися.]]
  -  [[old:ps:037:11|Сердце мое смятеся, остави мя сила моя, и свет очию моею, и той несть со мною.]]
  -  [[old:ps:037:12|Друзи мои и искреннии мои прямо мне приближишася и сташа.]]
  -  [[old:ps:037:13|И ближнии мои отдалече мене сташа, и нуждахуся ищущии душу мою: и ищущии злая мне глаголаху суетная, и льстивным весь день поучахуся.]]
  -  [[old:ps:037:14|Аз же яко глух не слышах, и яко нем не отверзаяй уст своих:]]
  -  [[old:ps:037:15|и бых яко человек не слышай и не имый во устех своих обличения.]]
  -  [[old:ps:037:16|Яко на Тя, Господи, уповах, Ты услышиши, Господи Боже мой.]]
  -  [[old:ps:037:17|Яко рех: да не когда порадуютмися врази мои: и внегда подвижатися ногам моим, на мя велеречеваша.]]
  -  [[old:ps:037:18|Яко аз на раны готов, и болезнь моя предо мною есть выну.]]
  -  [[old:ps:037:19|Яко беззаконие мое аз возвещу и попекуся о гресе моем.]]
  -  [[old:ps:037:20|Врази же мои живут и укрепишася паче мене, и умножишася ненавидящии мя без правды:]]
  -  [[old:ps:037:21|воздающии ми злая возблагая оболгаху мя, зане гонях благостыню.]]
  -  [[old:ps:037:22|Не остави мене, Господи Боже мой, не отступи от мене:]]
  -  [[old:ps:037:23|вонми в помощь мою, Господи спасения моего.]]