====== Псалтирь. Псалом 40 ======
   - [[old:ps:040:01|В конец, псалом Давиду.]] 
  -  [[old:ps:040:02|Блажен разумеваяй на нища и убога, в день лют избавит его Господь.]] 
  -  [[old:ps:040:03|Господь да сохранит его и живит его, и да ублажит его на земли и да не предаст его в руки врагов его.]]
  -  [[old:ps:040:04|Господь да поможет ему на одре болезни его: все ложе его обратил еси в болезни его.]]
  -  [[old:ps:040:05|Аз рех: Господи, помилуй мя, изцели душу мою, яко согреших Ти.]]
  -  [[old:ps:040:06|Врази мои реша мне злая: когда умрет, и погибнет имя его?]]
  -  [[old:ps:040:07|И вхождаше видети, всуе глаголаше сердце его: собра беззаконие себе, исхождаше вон и глаголаше вкупе.]]
  -  [[old:ps:040:08|На мя шептаху вси врази мои, на мя помышляху злая мне.]]
  -  [[old:ps:040:09|Слово законопреступное возложиша на мя: еда спяй не приложит воскреснути? ]]
  -  [[old:ps:040:10|Ибо человек мира моего, на негоже уповах, ядый хлебы моя, возвеличи на мя запинание.]]
  -  [[old:ps:040:11|Ты же, Господи, помилуй мя и возстави мя, и воздам им.]]
  -  [[old:ps:040:12|В сем познах, яко восхотел мя еси, яко не возрадуется враг мой о мне. ]]
  -  [[old:ps:040:13|Мене же за незлобие приял, и утвердил мя еси пред Тобою в век.]]
  -  [[old:ps:040:14|Благословен Господь Бог Израилев от века и до века: буди, буди.]]