====== Псалтирь. Псалом 43 ======
   - [[old:ps:043:01|В конец, сынов Кореовых, в разум, псалом.]] 
  -  [[old:ps:043:02|Боже, ушима нашима услышахом, и отцы наши возвестиша нам дело, еже соделал еси во днех их, во днех древних.]]
  -  [[old:ps:043:03|Рука Твоя языки потреби, и насадил я еси: озлобил еси люди и изгнал еси я.]]
  -  [[old:ps:043:04|Не бо мечем своим наследиша землю, и мышца их не спасе их, но десница Твоя и мышца Твоя и просвещение лица Твоего, яко благоволил еси в них.]]
  -  [[old:ps:043:05|Ты еси сам Царь мой и Бог мой, заповедаяй спасения Иаковля.]]
  -  [[old:ps:043:06|О Тебе враги нашя избодем роги, и о имени Твоем уничижим востающыя на ны.]]
  -  [[old:ps:043:07|Не на лук бо мой уповаю, и мечь мой не спасет мене:]]
  -  [[old:ps:043:08|спасл бо еси нас от стужающих нам, и ненавидящих нас посрамил еси.]]
  -  [[old:ps:043:09|О Бозе похвалимся весь день, и о имени Твоем исповемыся во век.]]
  -  [[old:ps:043:10|Ныне же отринул еси и посрамил еси нас, и не изыдеши, Боже, в силах наших.]]
  -  [[old:ps:043:11|Возвратил еси нас вспять при вразех наших, и ненавидящии нас расхищаху себе.]]
  -  [[old:ps:043:12|Дал еси нас яко овцы снеди, и во языцех разсеял ны еси.]]
  -  [[old:ps:043:13|Отдал еси люди Твоя без цены, и не бе множество в восклицаниих наших.]]
  -  [[old:ps:043:14|Положил еси нас поношение соседом нашым, подражнение и поругание сущым окрест нас.]]
  -  [[old:ps:043:15|Положил еси нас в притчу во языцех, покиванию главы в людех.]]
  -  [[old:ps:043:16|Весь день срам мой предо мною есть, и студ лица моего покры мя,]]
  -  [[old:ps:043:17|от гласа поношающаго и оклеветающаго, от лица вражия и изгонящаго.]]
  -  [[old:ps:043:18|Сия вся приидоша на ны, и не забыхом Тебе, и не неправдовахом в завете Твоем,]]
  -  [[old:ps:043:19|и не отступи вспять сердце наше: и уклонил еси стези нашя от пути Твоего,]]
  -  [[old:ps:043:20|яко смирил еси нас на месте озлобления, и прикры ны сень смертная.]]
  -  [[old:ps:043:21|Аще забыхом имя Бога нашего, и аще воздехом руки нашя к богу чуждему,]]
  -  [[old:ps:043:22|не Бог ли взыщет сих? Той бо весть тайная сердца.]]
  -  [[old:ps:043:23|Зане Тебе ради умерщвляемся весь день, вменихомся яко овцы заколения.]]
  -  [[old:ps:043:24|Востани, вскую спиши, Господи? воскресени, и не отрини до конца.]]
  -  [[old:ps:043:25|Вскую лице Твое отвращаеши? забываеши нищету нашу и скорбь нашу?]]
  -  [[old:ps:043:26|Яко смирися в персть душа наша, прильпе земли утроба наша.]]
  -  [[old:ps:043:27|воскресени, Господи, помози нам, и избави нас имене ради Твоего.]]