====== Псалтирь. Псалом 44 ======
   - [[old:ps:044:01|В конец, о изменяемых сыном Кореовым в разум, песнь о возлюбленнем.]] 
  -  [[old:ps:044:02|Отрыгну сердце мое слово благо, глаголю аз дела моя Цареви: язык мой трость книжника скорописца.]]
  -  [[old:ps:044:03|Красен добротою паче сынов человеческих, излияся благодать во устнах Твоих: сего ради благослови тя Бог во век.]]
  -  [[old:ps:044:04|Препояши мечь Твой по бедре Твоей, сильне,]]
  -  [[old:ps:044:05|красотою Твоею и добротою Твоею: и наляцы, и успевай, и царствуй истины ради и кротости и правды: и наставит тя дивно десница Твоя.]]
  -  [[old:ps:044:06|Стрелы Твоя изощрены, сильне: людие под тобою падут в сердцы враг царевых.]]
  -  [[old:ps:044:07|Престол Твой, Боже, в век века: жезл правости жезл Царствия Твоего.]]
  -  [[old:ps:044:08|Возлюбил еси правду и возненавидел еси беззаконие: сего ради помаза тя, Боже, Бог Твой елеем радости паче причастник Твоих.]]
  -  [[old:ps:044:09|Смирна и стакти и касиа от риз Твоих, от тяжестей слоновых, из нихже возвеселиша тя.]]
  -  [[old:ps:044:10|Дщери царей в чести Твоей: предста царица одесную Тебе, в ризах позлащенных одеяна преиспещрена.]]
  -  [[old:ps:044:11|Слыши, дщи, и виждь, и приклони ухо Твое, и забуди люди Твоя и дом отца Твоего:]]
  -  [[old:ps:044:12|и возжелает Царь доброты Твоея, зане той есть Господь Твой, и поклонишися ему,]]
  -  [[old:ps:044:13|и дщи тирова с дары: лицу Твоему помолятся богатии людстии.]]
  -  [[old:ps:044:14|Вся слава дщере Царевы внутрь: рясны златыми одеяна и преиспещрена.]]
  -  [[old:ps:044:15|Приведутся Царю девы вслед ея, искренния ея приведутся Тебе:]]
  -  [[old:ps:044:16|приведутся в веселии и радовании, введутся в храм Царев.]]
  -  [[old:ps:044:17|Вместо отец Твоих быша сынове Твои: поставиши я князи по всей земли.]]
  -  [[old:ps:044:18|Помяну имя Твое во всяком роде и роде: сего ради людие исповедятся Тебе в век и во век века.]]