====== Псалтирь. Псалом 45 ======
   - [[old:ps:045:01|В конец, о сынех Кореовых, о тайных, псалом.]] 
  -  [[old:ps:045:02|Бог нам прибежище и сила, помощник в скорбех обретших ны зело.]]
  -  [[old:ps:045:03|Сего ради не убоимся, внегда смущается земля, и прелагаются горы в сердца морская.]]
  -  [[old:ps:045:04|Возшумеша и смятошася воды их, смятошася горы крепостию Его.]]
  -  [[old:ps:045:05|Речная устремления веселят град Божий: освятил есть селение свое вышний.]]
  -  [[old:ps:045:06|Бог посреде его, и не подвижится: поможет ему Бог утро заутра.]]
  -  [[old:ps:045:07|Смятошася языцы, уклонишася царствия: даде глас Свой вышний, подвижеся земля.]]
  -  [[old:ps:045:08|Господь сил с нами, заступник наш Бог Иаковль.]]
  -  [[old:ps:045:09|Приидите и видите дела Божия, яже положи чудеса на земли:]]
  -  [[old:ps:045:10|отемля брани до конец земли, лук сокрушит и сломит оружие, и щиты сожжет огнем.]]
  -  [[old:ps:045:11|Упразднитеся и разумейте, яко Аз есмь Бог: вознесуся во языцех, вознесуся на земли.]]
  -  [[old:ps:045:12|Господь сил с нами, заступник наш Бог Иаковль.]]