====== Псалтирь. Псалом 48 ======
   - [[old:ps:048:01|В конец, сыном Кореовым, псалом.]] 
  -  [[old:ps:048:02|Услышите сия, вси языцы, внушите, вси живущии по вселенней,]]
  -  [[old:ps:048:03|земнороднии же и сынове человечестии, вкупе богат и убог.]]
  -  [[old:ps:048:04|Уста моя возглаголют премудрость, и поучение сердца моего разум.]]
  -  [[old:ps:048:05|Приклоню в притчу ухо мое, отверзу во псалтири ганание мое.]]
  -  [[old:ps:048:06|Вскую боюся в день лют? беззаконие пяты моея обыдет мя.]]
  -  [[old:ps:048:07|Надеющиися на силу свою и о множестве богатства своего хвалящиися:]]
  -  [[old:ps:048:08|брат не избавит, избавит ли человек? не даст Богу измены за ся,]]
  -  [[old:ps:048:09|и цену избавления души своея: и утрудися в век,]]
  -  [[old:ps:048:10|и жив будет до конца, не узрит пагубы.]]
  -  [[old:ps:048:11|Егда увидит премудрыя умирающыя, вкупе безумен и несмыслен погибнут, и оставят чуждим богатство свое.]]
  -  [[old:ps:048:12|И гроби их жилища их во век, селения их в род и род, нарекоша имена своя на землях.]]
  -  [[old:ps:048:13|И человек в чести сый не разуме, приложися скотом несмысленным и уподобися им.]]
  -  [[old:ps:048:14|Сей путь их соблазн им, и по сих во устех своих благоволят.]]
  -  [[old:ps:048:15|Яко овцы во аде положени суть, смерть упасет я: и обладают ими правии заутра, и помощь их обетшает во аде: от славы своея изриновени быша.]]
  -  [[old:ps:048:16|Обаче Бог избавит душу мою из руки адовы, егда приемлет мя.]]
  -  [[old:ps:048:17|Не убойся, егда разбогатеет человек, или егда умножится слава дому его:]] 
  -  [[old:ps:048:18|яко внегда умрети ему, не возмет вся, ниже снидет с ним слава его.]]
  -  [[old:ps:048:19|Яко душа его в животе его благословится, исповестся Тебе, егда благосотвориши ему.]]
  -  [[old:ps:048:20|Внидет даже до рода отец своих, даже до века не узрит света.]]
  -  [[old:ps:048:21|И человек в чести сый не разуме, приложися скотом несмысленным и уподобися им.]]