====== Псалтирь. Псалом 49 ======
  -  [[old:ps:049:01|Бог богов Господь глагола, и призва землю от восток солнца до запад.]] 
  -  [[old:ps:049:02|От Сиона благолепие красоты Его:]]
  -  [[old:ps:049:03|Бог яве приидет, Бог наш, и не премолчит: огнь пред Ним возгорится, и окрест Его буря зелна.]]
  -  [[old:ps:049:04|Призовет Небо свыше, и землю, разсудити люди Своя.]]
  -  [[old:ps:049:05|Соберите Ему преподобныя Его, завещающыя завет Его о жертвах.]]
  -  [[old:ps:049:06|И возвестят небеса правду Его: яко Бог Судия есть.]]
  -  [[old:ps:049:07|Услышите, людие Мои, и возглаголю вам, Израилю, и засвидетелствую тебе: Бог, Бог твой есмь Аз.]]
  -  [[old:ps:049:08|Не о жертвах твоих обличу тя, всесожжения же твоя предо Мною суть выну:]]
  -  [[old:ps:049:09|не прииму от дому твоего тельцов, ниже от стад твоих козлов.]]
  -  [[old:ps:049:10|Яко Мои суть вси зверие дубравнии, скоти в горах и волове:]]
  -  [[old:ps:049:11|познах вся птицы небесныя, и красота селная со Мною есть.]]
  -  [[old:ps:049:12|Аще взалчу, не реку тебе: Моя бо есть вселенная и исполнение ея.]]
  -  [[old:ps:049:13|Еда ям мяса юнча? или кровь козлов пию?]]
  -  [[old:ps:049:14|Пожри Богови жертву хвалы и воздаждь Вышнему молитвы твоя:]]
  -  [[old:ps:049:15|и призови Мя в день скорби твоея, и изму тя, и прославиши Мя.]]
  -  [[old:ps:049:16|Грешнику же рече Бог: вскую ты поведаеши оправдания Моя и восприемлеши завет Мой усты твоими?]]
  -  [[old:ps:049:17|Ты же возненавидел еси наказание и отвергл еси словеса Моя вспять.]]
  -  [[old:ps:049:18|Аще видел еси татя, текл еси с ним, и с прелюбодеем участие твое полагал еси:]]
  -  [[old:ps:049:19|уста твоя умножиша злобу, и язык твой сплеташе льщения:]]
  -  [[old:ps:049:20|седя на брата твоего клеветал еси и на сына матере твоея полагал еси соблазн.]]
  -  [[old:ps:049:21|Сия сотворил еси, и умолчах, вознепщевал еси беззаконие, яко буду тебе подобен: обличу тя и представлю пред лицем твоим грехи твоя.]]
  -  [[old:ps:049:22|Разумейте убо сия, забывающии Бога, да не когда похитит, и не будет избавляяй.]]
  -  [[old:ps:049:23|Жертва хвалы прославит Мя, и тамо путь, имже явлю ему спасение Мое.]]