====== Псалтирь. Псалом 50 ======
   - [[old:ps:050:01|В конец, псалом Давиду, внегда внити к нему Нафану пророку,]] 
  -  [[old:ps:050:02|егда вниде к Вирсавии жене Уриеве.]]
  -  [[old:ps:050:03|Помилуй мя, Боже, по велицей милости Твоей, и по множеству щедрот Твоих очисти беззаконие мое.]]
  -  [[old:ps:050:04|Наипаче омый мя от беззакония моего и от греха моего очисти мя:]]
  -  [[old:ps:050:05|яко беззаконие мое аз знаю, и грех мой предо мною есть выну.]]
  -  [[old:ps:050:06|Тебе единому согреших и лукавое пред Тобою сотворих: яко да оправдишися во словесех Твоих и победиши, внегда судити ти.]]
  -  [[old:ps:050:07|Се бо, в беззакониих зачат есмь, и во гресех роди мя мати моя.]]
  -  [[old:ps:050:08|Се бо, истину возлюбил еси, безвестная и тайная премудрости Твоея явил ми еси.]]
  -  [[old:ps:050:09|Окропиши мя иссопом, и очищуся: омыеши мя, и паче снега убелюся.]]
  -  [[old:ps:050:10|Слуху моему даси радость и веселие: возрадуются кости смиренныя.]]
  -  [[old:ps:050:11|Отврати лице Твое от грех моих и вся беззакония моя очисти.]]
  -  [[old:ps:050:12|Сердце чисто созижди во мне, Боже, и дух прав обнови во утробе моей.]]
  -  [[old:ps:050:13|Не отвержи мене от лица Твоего и Духа Твоего святаго не отими от мене.]]
  -  [[old:ps:050:14|Воздаждь ми радость спасения Твоего и Духом владычним утверди мя.]]
  -  [[old:ps:050:15|Научу беззаконныя путем Твоим, и нечестивии к тебе обратятся.]]
  -  [[old:ps:050:16|Избави мя от кровей, Боже, Боже спасения моего: возрадуется язык мой правде Твоей.]]
  -  [[old:ps:050:17|Господи, устне мои отверзеши, и уста моя возвестят хвалу Твою.]]
  -  [[old:ps:050:18|Яко аще бы восхотел еси жертвы, дал бых убо: всесожжения не благоволиши.]]
  -  [[old:ps:050:19|Жертва Богу дух сокрушен: сердце сокрушенно и смиренно Бог не уничижит.]]
  -  [[old:ps:050:20|Ублажи, Господи, благоволением Твоим Сиона, и да созиждутся стены Иерусалимския:]]
  -  [[old:ps:050:21|тогда благоволиши жертву правды, возношение и всесожегаемая: тогда возложат на олтарь Твой телцы.]]