====== Псалтирь. Псалом 51 ======
   - [[old:ps:051:01|В конец, разума Давиду,]] 
  -  [[old:ps:051:02|внегда приити Доику Идумейску, и возвестити Cаулу, и рещи ему: прииде Давид в дом Авимелехов.]]
  -  [[old:ps:051:03|Что хвалишися во злобе, сильне? беззаконие весь день.]]
  -  [[old:ps:051:04|неправду умысли язык твой: яко бритву изощрену сотворил еси лесть.]]
  -  [[old:ps:051:05|Возлюбил еси злобу паче благостыни, неправду неже глаголати правду:]]
  -  [[old:ps:051:06|возлюбил еси вся глаголы потопныя, язык льстив.]]
  -  [[old:ps:051:07|Сего ради Бог разрушит тя до конца: восторгнет тя, и преселит тя от селения твоего и корень твой от земли живых.]]
  -  [[old:ps:051:08|Узрят праведнии и убоятся, и о нем возсмеются и рекут:]]
  -  [[old:ps:051:09|се, человек, иже не положи Бога помощника себе, но упова на множество богатства своего, и возможе суетою своею.]]
  -  [[old:ps:051:10|Аз же яко маслина плодовита в дому Божии: уповах на милость Божию во век и в век века.]]
  -  [[old:ps:051:11|Исповемся Тебе в век, яко сотворил еси: и терплю имя Твое, яко благо пред преподобными Твоими.]]