====== Псалтирь. Псалом 52 ======
  -  [[old:ps:052:01|В конец, о Маелефе, разума Давиду.]] 
  -  [[old:ps:052:02|Рече безумен в сердцы своем: несть Бог. Растлеша и омерзишася в беззакониих, несть творяй благое.]]
  -  [[old:ps:052:03|Бог с небесе приниче на сыны человеческия, видети, аще есть разумеваяй или взыскаяй Бога.]]
  -  [[old:ps:052:04|Вси уклонишася, вкупе непотребни быша: несть творяй благое, несть до единаго.]]
  -  [[old:ps:052:05|Ни ли уразумеют вси делающии беззаконие, снедающии люди моя в снедь хлеба? Господа не призваша.]]
  -  [[old:ps:052:06|Тамо устрашишася страха, идеже не бе страх: яко Бог разсыпа кости человекоугодников: постыдешася, яко Бог уничижи их.]]
  -  [[old:ps:052:07|Кто даст от Сиона спасение Израилево? внегда возвратит Бог пленение людий своих, возрадуется Иаков и возвеселится Израиль.]]