====== Псалтирь. Псалом 55 ======
  - [[old:ps:055:01|В конец, о людех от святых удаленых, Давиду в столпописание, внегда удержаша и иноплеменницы в Гефе, псалом.]]
  -  [[old:ps:055:02|Помилуй мя, Боже, яко попра мя человек: весь день боря стужи ми.]]
  -  [[old:ps:055:03|Попраша мя врази мои весь день: яко мнози борющии мя с высоты.]]
  -  [[old:ps:055:04|В день не убоюся, аз же уповаю на Тя.]]
  -  [[old:ps:055:05|О Бозе похвалю словеса моя: на Бога уповах, не убоюся: что сотворит мне плоть?]]
  -  [[old:ps:055:06|Весь день словес моих гнушахуся: на мя вся помышления их на зло.]]
  -  [[old:ps:055:07|Вселятся и скрыют, тии пяту мою сохранят, якоже потерпеша душу мою.]]
  -  [[old:ps:055:08|Ни о чесомже отринеши я, гневом люди низведеши.]]
  -  [[old:ps:055:09|Боже, живот мой возвестих Тебе: положил еси слезы моя пред Тобою, яко и во обетовании Твоем.]]
  -  [[old:ps:055:10|Да возвратятся врази мои вспять, в оньже аще день призову Тя: се, познах, яко Бог мой еси Ты.]]
  -  [[old:ps:055:11|О Бозе похвалю глагол, о Господе похвалю слово.]]
  -  [[old:ps:055:12|На Бога уповах, не убоюся: что сотворит мне человек?]]
  -  [[old:ps:055:13|Во мне, Боже, молитвы, яже воздам хвалы Твоея:]]
  -  [[old:ps:055:14|яко избавил еси душу мою от смерти, очи мои от слез и нозе мои от поползновения: благоугожду пред Господем во свете живых.]]