====== Псалтирь. Псалом 56 ======
  -  [[old:ps:056:01|В конец, да не растлиши, Давиду в столпописание, внегда ему отбегати от лица Саулова в пещеру.]] 
  -  [[old:ps:056:02|Помилуй мя, Боже, помилуй мя: яко на Тя упова душа моя, и на сень крилу Твоею надеюся, дондеже прейдет беззаконие.]]
  -  [[old:ps:056:03|Воззову к Богу вышнему, Богу благодеявшему мне.]]
  -  [[old:ps:056:04|Посла с небесе и спасе мя, даде в поношение попирающыя мя: посла Бог милость Свою и истину Свою,]]
  -  [[old:ps:056:05|и избави душу мою от среды скимнов. Поспах смущен: сынове человечестии, зубы их оружия и стрелы, и язык их мечь остр.]]
  -  [[old:ps:056:06|Вознесися на небеса, Боже, и по всей земли слава Твоя.]]
  -  [[old:ps:056:07|Сеть уготоваша ногам моим, и слякоша душу мою: ископаша пред лицем моим яму, и впадоша в ню.]]
  -  [[old:ps:056:08|Готово сердце мое, Боже, готово сердце мое: воспою и пою во славе моей.]]
  -  [[old:ps:056:09|Востани, слава моя, востани, псалтирю и гусли: востану рано.]]
  -  [[old:ps:056:10|Исповемся Тебе в людех, Господи, воспою Тебе во языцех:]]
  -  [[old:ps:056:11|яко возвеличися до небес милость Твоя и даже до облак истина Твоя.]]
  -  [[old:ps:056:12|Вознесися на небеса, Боже, и по всей земли слава Твоя.]]