====== Псалтирь. Псалом 57 ======
  - [[old:ps:057:01|В конец, да не растлиши, Давиду в столпописание.]] 
  -  [[old:ps:057:02|Аще воистинну убо правду глаголете, правая судите, сынове человечестии.]]
  -  [[old:ps:057:03|Ибо в сердцы беззаконие делаете на земли, неправду руки вашя сплетают.]]
  -  [[old:ps:057:04|Очуждишася грешницы от ложесн, заблудиша от чрева, глаголаша лжу.]]
  -  [[old:ps:057:05|Ярость их по подобию змиину, яко аспида глуха и затыкающаго уши свои,]]
  -  [[old:ps:057:06|иже не услышит гласа обавающих, обаваемь обавается от премудра.]]
  -  [[old:ps:057:07|Бог сокрушит зубы их во устех их: членовныя львов сокрушил есть Господь.]]
  -  [[old:ps:057:08|Уничижатся яко вода мимотекущая: напряжет лук свой, дондеже изнемогут.]]
  -  [[old:ps:057:09|Яко воск растаяв отимутся: паде огнь на них, и не видеша солнца.]]
  -  [[old:ps:057:10|Прежде еже разумети терния вашего рамна, яко живы, яко во гневе пожрет я.]]
  -  [[old:ps:057:11|Возвеселится праведник, егда увидит отмщение: руце свои умыет в крови грешника.]]
  -  [[old:ps:057:12|И речет человек: аще убо есть плод праведнику, убо есть Бог судя им на земли.]]