====== Псалтирь. Псалом 59 ======
   - [[old:ps:059:01|В конец, о изменитися хотящих, в столпописание Давиду, в научение:]] 
  -  [[old:ps:059:02|внегда сожже средоречие сирийское и сирию совалскую, и возвратися Иоав и порази Едома в дебри солей дванадесять тысящ.]]
  -  [[old:ps:059:03|Боже, отринул ны еси и низложил еси нас, разгневался еси и ущедрил еси нас.]]
  -  [[old:ps:059:04|Стрясл еси землю и смутил еси ю: изцели сокрушение ея, яко подвижеся.]]
  -  [[old:ps:059:05|Показал еси людем Твоим жестокая: напоил еси нас вином умиления.]]
  -  [[old:ps:059:06|Дал еси боящымся Тебе знамение, еже убежати от лица лука.]]
  -  [[old:ps:059:07|Яко да избавятся возлюбленнии Твои, спаси десницею Твоею и услыши мя.]]
  -  [[old:ps:059:08|Бог возглагола во святем Своем: возрадуюся, и разделю сикиму, и юдоль жилищ размерю.]]
  -  [[old:ps:059:09|Мой есть Галаад, и мой есть Манассий, Ефрем крепость главы моея, Иуда царь мой.]]
  -  [[old:ps:059:10|Моав коноб упования моего: на Идумею простру сапог мой: мне иноплеменницы покоришася.]]
  -  [[old:ps:059:11|Кто введет мя во град ограждения? или кто наставит мя до Идумеи?]]
  -  [[old:ps:059:12|Не Ты ли, Боже, отринувый нас? и не изыдеши, Боже, в силах наших?]]
  -  [[old:ps:059:13|Даждь нам помощь от скорби: и суетно спасение человеческо.]]
  -  [[old:ps:059:14|О Бозе сотворим силу: и Той уничижит стужающыя нам.]]