====== Псалтирь. Псалом 61 ======
  - [[old:ps:061:01|В конец, о Идифуме, псалом Давиду.]] 
  -  [[old:ps:061:02|Не Богу ли повинется душа моя? от Того бо спасение мое.]]
  -  [[old:ps:061:03|Ибо Той Бог мой и спас мой, заступник мой: не подвижуся наипаче.]]
  -  [[old:ps:061:04|Доколе належите на человека? убиваете вси вы, яко стене преклонене и оплоту возриновену.]]
  -  [[old:ps:061:05|Обаче цену мою совещаша отринути, текоша в жажди: усты своими благословляху, и сердцем своим кленяху.]]
  -  [[old:ps:061:06|Обаче Богови повинися, душе моя: яко от Того терпение мое.]]
  -  [[old:ps:061:07|Ибо Той Бог мой и спас мой, заступник мой: не преселюся.]]
  -  [[old:ps:061:08|О Бозе спасение мое и слава моя: Бог помощи моея, и упование мое на Бога.]]
  -  [[old:ps:061:09|Уповайте на Него, весь сонм людий: излияйте пред Ним сердца ваша, яко Бог помощник наш.]]
  -  [[old:ps:061:10|Обаче суетни сынове человечестии, лживи сынове человечестии в мерилех еже неправдовати: тии от суеты вкупе.]]
  -  [[old:ps:061:11|Не уповайте на неправду, и на восхищение не желайте: богатство аще течет, не прилагайте сердца.]]
  -  [[old:ps:061:12|Единою глагола Бог, двоя сия слышах, зане держава Божия,]]
  -  [[old:ps:061:13|и Твоя, Господи, милость: яко Ты воздаси комуждо по делом его.]]