====== Псалтирь. Псалом 64 ======
  - [[old:ps:064:01|В конец, псалом песни Давиду, песнь Иеремиева и Иезекиилева, людий преселения, егда хотяху исходити.]] 
  -  [[old:ps:064:02|Тебе подобает песнь, Боже, в Сионе, и Тебе воздастся молитва во Иерусалиме.]]
  -  [[old:ps:064:03|Услыши молитву мою: к Тебе всяка плоть приидет.]]
  -  [[old:ps:064:04|Словеса беззаконник премогоша нас: и нечестия наша Ты очистиши.]]
  -  [[old:ps:064:05|Блажен, егоже избрал еси и приял, вселится во дворех Твоих. исполнимся во благих дому Твоего: свят храм Твой.]]
  -  [[old:ps:064:06|Дивен в правде, услыши ны, Боже, спасителю наш, упование всех концей земли и сущих в мори далече:]]
  -  [[old:ps:064:07|уготовляяй горы крепостию Своею, препоясан силою:]]
  -  [[old:ps:064:08|смущаяй глубину морскую, шуму волн Его кто постоит? смятутся языцы,]] 
  -  [[old:ps:064:09|и убоятся живущии в концах от знамений Твоих: исходы утра и вечера украсиши.]]
  -  [[old:ps:064:10|Посетил еси землю и упоил еси ю, умножил еси обогатити ю: река Божия наполнися вод: уготовал еси пищу им, яко тако (есть) уготование.]]
  -  [[old:ps:064:11|Бразды ея упой, умножи жита ея: в каплях ея возвеселится возсияющи.]]
  -  [[old:ps:064:12|Благословиши венец лета благости Твоея, и поля Твоя исполнятся тука:]]
  -  [[old:ps:064:13|разботеют красная пустыни, и радостию холми препояшутся.]]
  -  [[old:ps:064:14|Одеяшася овни овчии, и удолия умножат пшеницу: воззовут, ибо воспоют.]]