====== Псалтирь. Псалом 67 ======
  -  [[old:ps:067:01|В конец, псалом песни Давиду.]]
  -  [[old:ps:067:02|Да воскреснет Бог, и расточатся врази Его, и да бежат от лица Его ненавидящии Его.]]
  -  [[old:ps:067:03|Яко изчезает дым, да изчезнут: яко тает воск от лица огня, тако да погибнут грешницы от лица Божия:]]
  -  [[old:ps:067:04|а праведницы да возвеселятся, да возрадуются пред Богом, да насладятся в веселии.]]
  -  [[old:ps:067:05|Воспойте Богу, пойте имени Его: путесотворите возшедшему на запады, Господь имя Ему: и радуйтеся пред Ним.]]
  -  [[old:ps:067:06|Да смятутся от лица Его, Отца сирых и Судии вдовиц: Бог в месте святем Своем.]]
  -  [[old:ps:067:07|Бог вселяет единомысленныя в дом, изводя окованныя мужеством, такожде преогорчевающыя живущыя во гробех.]]
  -  [[old:ps:067:08|Боже, внегда исходити Тебе пред людьми Твоими, внегда мимоходити Тебе в пустыни,]]
  -  [[old:ps:067:09|земля потрясеся, ибо небеса кануша от лица Бога Синаина, от лица Бога Израилева.]]
  -  [[old:ps:067:10|Дождь волен отлучиши, Боже, достоянию Твоему, и изнеможе, Ты же совершил еси е.]]
  -  [[old:ps:067:11|Животная Твоя живут на ней: уготовал еси благостию Твоею нищему, Боже.]]
  -  [[old:ps:067:12|Господь даст глагол благовествующым силою многою:]]
  -  [[old:ps:067:13|Царь сил возлюбленнаго, красотою дому разделити корысти.]]
  -  [[old:ps:067:14|Аще поспите посреде предел, криле голубине посребрене, и междорамия ея в блещании злата:]]
  -  [[old:ps:067:15|внегда разнствит Небесный цари на ней, оснежатся в Селмоне.]]
  -  [[old:ps:067:16|Гора Божия, гора тучная, гора усыренная, гора тучная.]]
  -  [[old:ps:067:17|Вскую непщуете, горы усыренныя? гора, юже благоволи Бог жити в ней: ибо Господь вселится до конца.]]
  -  [[old:ps:067:18|Колесница Божия тмами тем, тысяща гобзующих: Господь в них в Синаи во святем.]]
  -  [[old:ps:067:19|Возшел еси на высоту, пленил еси плен: приял еси даяния в человецех, ибо непокаряющыяся, еже вселитися.]]
  -  [[old:ps:067:20|Господь Бог благословен, благословен Господь день дне: поспешит нам Бог спасений наших.]]
  -  [[old:ps:067:21|Бог наш Бог еже спасати: и Господня, Господня исходища смертная.]]
  -  [[old:ps:067:22|Обаче Бог сокрушит главы врагов Своих, верх влас преходящих в прегрешениих своих.]]
  -  [[old:ps:067:23|Рече Господь: от Васана обращу, обращу во глубинах морских:]]
  -  [[old:ps:067:24|яко да омочится нога твоя в крови, язык пес твоих от враг от него.]]
  -  [[old:ps:067:25|Видена быша шествия Твоя, Боже, шествия Бога моего Царя, Иже во святем.]]
  -  [[old:ps:067:26|Предвариша князи близ поющих, посреде дев тимпанниц.]]
  -  [[old:ps:067:27|В церквах благословите Бога, Господа от источник Израилевых.]]
  -  [[old:ps:067:28|Тамо Вениамин юнейший во ужасе, князи Иудовы владыки их, князи Завулони, князи Неффалимли.]]
  -  [[old:ps:067:29|Заповеждь, Боже, силою Твоею: укрепи, Боже, сие, еже соделал еси в нас.]]
  -  [[old:ps:067:30|От храма Твоего во Иерусалим Тебе принесут царие дары.]]
  -  [[old:ps:067:31|Запрети зверем тростным: сонм юнец в юницах людских, еже затворити искушенныя сребром: расточи языки хотящыя бранем.]]
  -  [[old:ps:067:32|Приидут молитвенницы от Египта: Ефиопиа предварит руку свою к Богу.]]
  -  [[old:ps:067:33|Царства земная, пойте Богу, воспойте Господеви,]]
  -  [[old:ps:067:34|возшедшему на Небо небесе на востоки: се, даст гласу Своему глас силы.]]
  -  [[old:ps:067:35|Дадите славу Богови: на Израили велелепота Его, и сила Его на облацех.]]
  -  [[old:ps:067:36|Дивен Бог во святых Своих: Бог Израилев, Той даст силу и державу людем Своим. Благословен Бог.]]