====== Псалтирь. Псалом 70 ======
  - [[old:ps:070:01|На Тя, Господи, уповах, да не постыжуся в век.]] 
  -  [[old:ps:070:02|Правдою Твоею избави мя и изми мя: приклони ко мне ухо Твое и спаси мя. ]]
  -  [[old:ps:070:03|Буди ми в Бога защитителя и в место крепко спасти мя: яко утверждение мое и прибежище мое еси Ты. ]]
  -  [[old:ps:070:04|Боже мой, избави мя из руки грешнаго, из руки законопреступнаго и обидящаго: ]]
  -  [[old:ps:070:05|Яко Ты еси терпение мое, Господи, Господи, упование мое от юности моея. ]]
  -  [[old:ps:070:06|В тебе утвердихся от утробы, от чрева матере моея Ты еси мой покровитель: о Тебе пение мое выну. ]]
  -  [[old:ps:070:07|Яко чудо бых многим: и Ты помощник мой крепок. ]]
  -  [[old:ps:070:08|Да исполнятся уста моя хваления, яко да воспою славу Твою, весь день великолепие Твое. ]]
  -  [[old:ps:070:09|Не отвержи мене во время старости: внегда оскудевати крепости моей, не остави мене. ]]
  -  [[old:ps:070:10|Яко реша врази мои мне, и стрегущии душу мою совещаша вкупе, ]]
  -  [[old:ps:070:11|глаголюще: Бог оставил есть его, пожените и имите его, яко несть избавляяй. ]]
  -  [[old:ps:070:12|Боже мой, не удалися от мене: Боже мой, в помощь мою вонми. ]]
  -  [[old:ps:070:13|Да постыдятся и изчезнут оклеветающии душу мою, да облекутся в студ и срам ищущии злая мне. ]]
  -  [[old:ps:070:14|Аз же всегда возуповаю на Тя, и приложу на всяку похвалу Твою. ]]
  -  [[old:ps:070:15|Уста моя возвестят правду Твою, весь день спасение Твое, яко не познах книжная. ]]
  -  [[old:ps:070:16|Вниду в силе Господни: Господи, помяну правду Тебе Единаго. ]]
  -  [[old:ps:070:17|Боже мой, имже научил мя еси от юности моея, и доныне возвещу чудеса Твоя. ]]
  -  [[old:ps:070:18|И даже до старости и престарения, Боже мой, не остави мене, дондеже возвещу мышцу Твою роду всему грядущему, ]]
  -  [[old:ps:070:19|силу Твою и правду Твою, Боже, даже до вышних, яже сотворил ми еси величия: Боже, кто подобен Тебе? ]]
  -  [[old:ps:070:20|Елики явил ми еси скорби многи и злы? и обращься оживотворил мя еси и от бездн земли возвел мя еси. ]]
  -  [[old:ps:070:21|Умножил еси на мне величествие Твое, и обращься утешил мя еси, и от бездн земли паки возвел мя еси. ]]
  -  [[old:ps:070:22|Ибо аз исповемся Тебе в людех, Господи, в сосудех псаломских истину Твою, Боже: воспою Тебе в гуслех, святый Израилев. ]]
  -  [[old:ps:070:23|Возрадуетеся устне мои, егда воспою Тебе, и душа моя, юже еси избавил: ]]
  -  [[old:ps:070:24|еще же и язык мой весь день поучится правде Твоей, егда постыдятся и посрамятся ищущии злая мне.]]