====== Псалтирь. Псалом 71 ======
  - [[old:ps:071:01|Боже, суд Твой цареви даждь, и правду Твою сыну цареву:]] 
  - [[old:ps:071:02|судити людем Твоим в правде и нищым Твоим в суде.]] 
  - [[old:ps:071:03| Да восприимут горы мир людем и холми правду.]] 
  - [[old:ps:071:04| Судит нищым людским, и спасет сыны убогих, и смирит клеветника.]] 
  - [[old:ps:071:05| И пребудет с солнцем, и прежде луны рода родов.]] 
  - [[old:ps:071:06| Снидет яко дождь на руно, и яко капля каплющая на землю.]] 
  - [[old:ps:071:07| Возсияет во днех Его правда и множество мира, дондеже отъимется луна.]] 
  - [[old:ps:071:08| И обладает от моря до моря, и от рек до конец вселенныя.]] 
  - [[old:ps:071:09| Пред ним припадут ефиопляне, и врази Его персть полижут.]] 
  - [[old:ps:071:10| Царие Фарсийстии и острови дары принесут, царие Аравстии и Сава дары приведут:]] 
  - [[old:ps:071:11| и поклонятся Ему вси царие земстии, вси языцы поработают Ему.]] 
  - [[old:ps:071:12| Яко избави нища от сильна, и убога, емуже не бе помощника.]] 
  - [[old:ps:071:13| Пощадит нища и убога, и душы убогих спасет:]] 
  - [[old:ps:071:14|от лихвы и от неправды избавит душы их, и честно имя Его пред ними.]] 
  - [[old:ps:071:15| И жив будет, и дастся Ему от злата Аравийска: и помолятся о Нем выну, весь день благословят Его.]] 
  -  [[old:ps:071:16|Будет утверждение на земли на версех гор: превознесется паче Ливана плод Его, и процветут от града яко трава земная.]] 
  - [[old:ps:071:17|Будет имя Его благословено во веки, прежде солнца пребывает имя Его: и благословятся в Нем вся колена земная, вси языцы ублажат Его.]] 
  - [[old:ps:071:18| Благословен Господь Бог Израилев, творяй чудеса един,]] 
  - [[old:ps:071:19| и благословено имя славы Его во век и в век века: и исполнится славы Его вся земля: буди, буди.]]