====== Псалтирь. Псалом 74 ======
  - [[old:ps:074:01|В конец, да не растлиши, псалом песни Асафу.]]
  - [[old:ps:074:02| Исповемыся Тебе, Боже, исповемыся Тебе и призовем имя Твое: повем вся чудеса Твоя.]]
  - [[old:ps:074:03| Егда прииму время, аз правоты возсужду.]]
  - [[old:ps:074:04| Растаяся земля и вси живущии на ней, аз утвердих столпы ея.]] 
  - [[old:ps:074:05| Рех беззаконнующым, не беззаконнуйте: и согрешающым, не возносите рога.]]
  - [[old:ps:074:06| Не воздвизайте на высоту рога вашего и не глаголите на Бога неправду:]]
  - [[old:ps:074:07| яко ниже от исход, ниже и запад, ниже от пустых гор.]]
  - [[old:ps:074:08| Яко Бог судия есть: сего смиряет, и сего возносит.]]
  - [[old:ps:074:09| Яко чаша в руце Господни, вина нерастворена исполнь растворения, и уклони от сея в сию: обаче дрождие его не истощися, испиют вси грешнии земли.]]
  -  [[old:ps:074:10|Аз же возрадуюся в век, воспою Богу Иаковлю:]]
  - [[old:ps:074:11| и вся роги грешных сломлю, и вознесется рог праведнаго.]]