====== Псалтирь. Псалом 77 ====== - [[old:ps:077:01|Внемлите, людие мои, закону моему, приклоните ухо ваше во глаголы уст моих.]] - [[old:ps:077:02|Отверзу в притчах уста моя, провещаю ганания исперва.]] - [[old:ps:077:03|Елика слышахом и познахом я, и отцы наши поведаша нам:]] - [[old:ps:077:04|не утаишася от чад их в род ин, возвещающе хвалы Господни, и силы Его и чудеса Его, яже сотвори.]] - [[old:ps:077:05|И воздвиже свидение во Иакове, и закон положи во Израили, елика заповеда отцем нашым сказати я сыновом своим,]] - [[old:ps:077:06|яко да познает род ин, сынове родящиися, и востанут и поведят я сыновом своим:]] - [[old:ps:077:07|да положат на Бога упование свое, и не забудут дел Божиих, и заповеди Его взыщут:]] - [[old:ps:077:08|да не будут якоже отцы их, род строптив и преогорчеваяй, род иже не исправи сердца своего и не увери с Богом духа своего.]] - [[old:ps:077:09|Сынове Ефремли наляцающе и стреляюще луки возвратишася в день брани:]] - [[old:ps:077:10|не сохраниша завета Божия, и в законе Его не восхотеша ходити.]] - [[old:ps:077:11|И забыша благодеяния Его и чудеса Его, яже показа им]] - [[old:ps:077:12|пред отцы их, яже сотвори чудеса в земли Египетстей, на поли Танеосе:]] - [[old:ps:077:13|разверзе море и проведе их: представи воды яко мех,]] - [[old:ps:077:14|и настави я облаком во дни и всю нощь просвещением огня.]] - [[old:ps:077:15|Разверзе камень в пустыни и напои я яко в бездне мнозе:]] - [[old:ps:077:16|и изведе воду из камене и низведе яко реки воды.]] - [[old:ps:077:17|И приложиша еще согрешати ему, преогорчиша вышняго в безводней:]] - [[old:ps:077:18|и искусиша Бога в сердцах своих, воспросити брашна душам своим.]] - [[old:ps:077:19|И клеветаша на Бога и реша: еда возможет Бог уготовати трапезу в пустыни?]] - [[old:ps:077:20|Понеже порази камень, и потекоша воды, и потоцы наводнишася: еда и хлеб может дати? или уготовати трапезу людем Своим?]] - [[old:ps:077:21|Сего ради слыша Господь и презре, и огнь возгореся во Иакове, и гнев взыде на Израиля:]] - [[old:ps:077:22|яко не вероваша Богови, ниже уповаша на спасение Его.]] - [[old:ps:077:23|И заповеда облаком свыше, и двери небесе отверзе:]] - [[old:ps:077:24|и одожди им манну ясти, и хлеб небесный даде им.]] - [[old:ps:077:25|Хлеб ангельский яде человек: брашно посла им до сытости.]] - [[old:ps:077:26|Воздвиже юг с небесе, и наведе силою Своею Лива:]] - [[old:ps:077:27|и одожди на ня яко прах плоти, и яко песок морский птицы пернаты.]] - [[old:ps:077:28|И нападоша посреде стана их, окрест жилищ их.]] - [[old:ps:077:29|И ядоша и насытишася зело, и желание их принесе им.]] - [[old:ps:077:30|Не лишишася от желания своего: еще брашну сущу во устех их,]] - [[old:ps:077:31|и гнев Божий взыде на ня, и уби множайшая их, и избранным Израилевым запят.]] - [[old:ps:077:32|Во всех сих согрешиша еще и не вероваша чудесем Его:]] - [[old:ps:077:33|и изчезоша в суете дние их, и лета их со тщанием.]] - [[old:ps:077:34|Егда убиваше я, тогда взыскаху Его и обращахуся и утреневаху к Богу:]] - [[old:ps:077:35|и помянуша, яко Бог помощник им есть, и Бог вышний избавитель им есть:]] - [[old:ps:077:36|и возлюбиша Его усты своими, и языком своим солгаша Ему:]] - [[old:ps:077:37|сердце же их не бе право с ним, ниже уверишася в завете Его.]] - [[old:ps:077:38|Той же есть щедр, и очистит грехи их, и не растлит: и умножит отвратити ярость Свою, и не разжжет всего гнева Своего.]] - [[old:ps:077:39|И помяну, яко плоть суть, дух ходяй и не обращаяйся:]] - [[old:ps:077:40|Колькраты преогорчиша Его в пустыни, прогневаша Его в земли безводней?]] - [[old:ps:077:41|и обратишася, и искусиша Бога, и святаго Израилева раздражиша:]] - [[old:ps:077:42|и не помянуша руки Его в день, в оньже избави я из руки оскорбляющаго:]] - [[old:ps:077:43|якоже положи во Египте знамения Своя, и чудеса Своя на поли Танеосе:]] - [[old:ps:077:44|и преложи в кровь реки их и источники их, яко да не пиют.]] - [[old:ps:077:45|Посла на ня песия мухи, и поядоша я, и жабы, и растли я:]] - [[old:ps:077:46|и даде рже плоды их, и труды их пругом.]] - [[old:ps:077:47|Уби градом винограды их и черничие их сланою:]] - [[old:ps:077:48|и предаде граду скоты их, и имение их огню.]] - [[old:ps:077:49|Посла на ня гнев ярости Своея, ярость и гнев и скорбь, послание аггелы лютыми.]] - [[old:ps:077:50|Путесотвори стезю гневу Своему, и не пощаде от смерти душ их, и скоты их в смерти заключи:]] - [[old:ps:077:51|и порази всякое первородное в земли Египетстей, начаток всякаго труда их в селениих Хамовых.]] - [[old:ps:077:52|И воздвиже яко овцы люди Своя, и возведе я яко стадо в пустыни:]] - [[old:ps:077:53|и настави я на упование, и не убояшася: и враги их покры море.]] - [[old:ps:077:54|И введе я в гору святыни Своея, гору сию, юже стяжа десница Его.]] - [[old:ps:077:55|И изгна от лица их языки, и по жребию даде им (землю) ужем жребодаяния, и всели в селениих их колена Израилева. ]] - [[old:ps:077:56|И искусиша и преогорчиша Бога вышняго, и свидений Его не сохраниша:]] - [[old:ps:077:57|и отвратишася и отвергошася, якоже и отцы их: превратишася в лук развращен:]] - [[old:ps:077:58|и прогневаша Его в холмех своих, и во истуканных своих раздражиша Его.]] - [[old:ps:077:59|Слыша Бог и презре, и уничижи зело Израиля:]] - [[old:ps:077:60|и отрину скинию Силомскую, селение еже вселися в человецех:]] - [[old:ps:077:61|и предаде в плен крепость их, и доброту их в руки врагов:]] - [[old:ps:077:62|и затвори во оружии люди Своя и достояние Свое презре.]] - [[old:ps:077:63|юношы их пояде огнь, и девы их не осетованы быша:]] - [[old:ps:077:64|священницы их мечем падоша, и вдовицы их не оплаканы будут.]] - [[old:ps:077:65|И воста яко спя Господь, яко силен и шумен от вина:]] - [[old:ps:077:66|и порази враги Своя вспять, поношение вечное даде им:]] - [[old:ps:077:67|и отрину селение Иосифово, и колено Ефремово не избра:]] - [[old:ps:077:68|и избра колено Иудово, гору Сионю, юже возлюби:]] - [[old:ps:077:69|и созда яко единорога святилище Свое: на земли основа и в век.]] - [[old:ps:077:70|И избра Давида раба Своего, и восприят Его от стад овчих:]] - [[old:ps:077:71|от доилиц поят Его, пасти Иакова раба Своего, и Израиля достояние Свое.]] - [[old:ps:077:72|И упасе я в незлобии сердца Своего, и в разумех руку своею наставил я есть.]]