====== Псалтирь. Псалом 80 ======
  - [[old:ps:080:01|В конец, о точилех, псалом Асафу.]]
  - [[old:ps:080:02| Радуйтеся Богу Помощнику нашему, воскликните Богу Иаковлю:]]
  - [[old:ps:080:03| приимите псалом и дадите тимпан, псалтирь красен с гусльми:]]
  -  [[old:ps:080:04|вострубите в новомесячии трубою, во благознаменитый день праздника вашего:]]
  -  [[old:ps:080:05|яко повеление Израилеви есть, и судба Богу Иаковлю.]]
  -  [[old:ps:080:06|Свидение во Иосифе положи е, внегда изыти ему от земли Египетския: языка, егоже не ведяше, услыша.]]
  - [[old:ps:080:07| Отъят от бремене хребет его: руце его в коши поработасте.]]
  -  [[old:ps:080:08|В скорби призвал Мя еси, и избавих тя: услышах тя в тайне бурне: искусих тя на воде пререкания.]]
  -  [[old:ps:080:09|Слышите, людие Мои, и засвидетелствую вам, Израилю, аще послушаеши Мене:]]
  -  [[old:ps:080:10|не будет тебе бог нов, ниже поклонишися богу чуждему.]]
  - [[old:ps:080:11| Аз бо есмь Господь Бог твой, изведый тя от земли Египетския: разшири уста твоя, и исполню я.]]
  -  [[old:ps:080:12|И не послушаша людие Мои гласа Моего, и Израиль не внят Ми:]]
  - [[old:ps:080:13| и отпустих я по начинанием сердец их, пойдут в начинаниих своих.]]
  -  [[old:ps:080:14|Аще быша людие Мои послушали Мене, Израиль аще бы в пути Моя ходил:]]
  -  [[old:ps:080:15|ни о чесомже убо враги его смирил бых, и на оскорбляющыя их возложил бых руку Мою.]]
  - [[old:ps:080:16|Врази Господни солгаша Ему, и будет время их в век:]] 
  -  [[old:ps:080:17|и напита их от тука пшенична, и от камене меда насыти их.]]