====== Псалтирь. Псалом 83 ======
  - [[old:ps:083:01|В конец, о точилех, сыном Кореовым, псалом.]]
  - [[old:ps:083:02|Коль возлюбленна селения Твоя, Господи сил.]]
  - [[old:ps:083:03|Желает и скончавается душа моя во дворы Господни: сердце мое и плоть моя возрадовастася о Бозе живе.]]
  -  [[old:ps:083:04|Ибо птица обрете себе храмину, и горлица гнездо себе, идеже положит птенцы своя, олтари Твоя, Господи сил, Царю мой и Боже мой.]]
  -  [[old:ps:083:05|Блажени живущии в дому Твоем: в веки веков восхвалят Тя.]]
  -  [[old:ps:083:06|Блажен муж, емуже есть заступление его у Тебе: восхождения в сердцы своем положи,]]
  -  [[old:ps:083:07|во юдоль плачевную, в место еже положи: ибо благословение даст законополагаяй.]]
  - [[old:ps:083:08|Пойдут от силы в силу: явится Бог богов в Сионе.]]
  - [[old:ps:083:09|Господи Боже сил, услыши молитву мою, внуши, Боже Иаковль.]]
  - [[old:ps:083:10| Защитниче наш, виждь, Боже, и призри на лице христа Твоего.]]
  -  [[old:ps:083:11|Яко лучше день един во дворех твоих паче тысящ: изволих приметатися в дому Бога моего паче, неже жити ми в селениих грешничих.]]
  -  [[old:ps:083:12|Яко милость и истину любит Господь, Бог благодать и славу даст: Господь не лишит благих ходящих незлобием.]]
  -  [[old:ps:083:13|Господи Боже сил, блажен человек уповаяй на Тя.]]