====== Псалтирь. Псалом 84 ======
  - [[old:ps:084:01|В конец, сыном Кореовым, псалом.]]
  - [[old:ps:084:02|Благоволил еси, Господи, землю Твою, возвратил еси плен Иаковль.]]
  - [[old:ps:084:03|Оставил еси беззакония людей Твоих, покрыл еси вся грехи их.]]
  - [[old:ps:084:04|Укротил еси весь гнев Твой, возвратился еси от гнева ярости Твоея.]]
  - [[old:ps:084:05|Возврати нас, Боже спасений наших, и отврати ярость Твою от нас.]]
  - [[old:ps:084:06|Еда во веки прогневаешися на ны? или простреши гнев Твой от рода в род?]]
  - [[old:ps:084:07|Боже, Ты обращься оживиши ны, и людие Твои возвеселятся о Тебе.]]
  - [[old:ps:084:08|Яви нам, Господи, милость Твою, и спасение Твое даждь нам.]]
  - [[old:ps:084:09|Услышу, что речет о мне Господь Бог: яко речет мир на люди Своя, и на преподобныя Своя, и на обращающыя сердца к Нему.]]
  -  [[old:ps:084:10|Обаче близ боящихся Его спасение Его, вселити славу в землю нашу.]]
  -  [[old:ps:084:11|Милость и истина сретостеся, правда и мир облобызастася:]]
  -  [[old:ps:084:12|истина от земли возсия, и правда с Небесе приниче:]]
  - [[old:ps:084:13|ибо Господь даст благость, и земля наша даст плод свой.]]
  - [[old:ps:084:14|Правда пред Ним предидет, и положит в путь стопы своя.]]