====== Псалтирь. Псалом 87 ======
  - [[old:ps:087:01|Песнь псалма сыном Кореовым, в конец, о Маелефе еже отвещати, разума Еману израилтянину.]]
  - [[old:ps:087:02| Господи Боже спасения моего, во дни воззвах и в нощи пред Тобою:]] 
  -  [[old:ps:087:03|да внидет пред Тя молитва моя, приклони ухо Твое к молению моему.]]
  - [[old:ps:087:04|Яко исполнися зол душа моя, и живот мой аду приближися.]]
  - [[old:ps:087:05|Привменен бых с низходящими в ров: бых яко человек без помощи,]]
  - [[old:ps:087:06|в мертвых свободь: яко язвеннии спящии во гробе, ихже не помянул еси ктому, и тии от руки Твоея отриновени быша.]]
  - [[old:ps:087:07|Положиша мя в рове преисподнем, в темных и сени смертней.]]
  - [[old:ps:087:08|На мне утвердися ярость Твоя, и вся волны Твоя навел еси на мя.]]
  -  [[old:ps:087:09|Удалил еси знаемых моих от мене: положиша мя мерзость себе: предан бых и не исхождах.]]
  -  [[old:ps:087:10|Очи мои изнемогосте от нищеты: воззвах к Тебе, Господи, весь день, воздех к Тебе руце мои.]]
  - [[old:ps:087:11|Еда мертвыми твориши чудеса? или врачеве воскресят, и исповедятся Тебе?]]
  - [[old:ps:087:12|Еда повесть кто во гробе милость Твою, и истину Твою в погибели?]]
  - [[old:ps:087:13|Еда познана будут во тме чудеса Твоя, и правда Твоя в земли забвенней?]]
  - [[old:ps:087:14|И аз к Тебе, Господи, воззвах, и утро молитва моя предварит Тя.]]
  - [[old:ps:087:15|Вскую, Господи, отрееши душу мою? отвращаеши лице Твое от мене?]]
  - [[old:ps:087:16|Нищь есмь аз, и в трудех от юности моея: вознесжеся смирихся и изнемогох.]]
  - [[old:ps:087:17|На мне преидоша гневи Твои, устрашения Твоя возмутиша мя:]]  
  - [[old:ps:087:18|обыдоша мя яко вода весь день, одержаша мя вкупе.]]
  - [[old:ps:087:19|Удалил еси от мене друга и искренняго, и знаемых моих от страстей.]]