====== Псалтирь. Псалом 89 ======
  - [[old:ps:089:01|Молитва Моисеа человека Божия.]]
  - [[old:ps:089:02|Господи, прибежище был еси нам в род и род.]]
  - [[old:ps:089:03|Прежде даже горам не быти и создатися земли и вселенней, и от века и до века Ты еси.]]
  - [[old:ps:089:04|Не отврати человека во смирение, и рекл еси: обратитеся, сынове человечестии.]]
  - [[old:ps:089:05|Яко тысяща лет пред очима твоима, Господи, яко день вчерашний, иже мимо иде, и стража нощная.]]
  - [[old:ps:089:06|Уничижения их лета будут: утро яко трава мимо идет, утро процветет и прейдет: на вечер отпадет, ожестеет и изсхнет:]]
  - [[old:ps:089:07|яко изчезохом гневом Твоим, и яростию Твоею смутихомся.]]
  -  [[old:ps:089:08|Положил еси беззакония наша пред Тобою, век наш в просвещение лица Твоего.]]
  - [[old:ps:089:09|Яко вси дние наши оскудеша, и гневом Твоим изчезохом:]]
  - [[old:ps:089:10|лета наша яко паучина поучахуся: дние лет наших в нихже седмьдесят лет, аще же в силах, осмьдесят лет, и множае их труд и болезнь: яко прииде кротость на ны, и накажемся.]]
  -  [[old:ps:089:11|Кто весть державу гнева Твоего, и от страха Твоего ярость Твою изчести?]]
  -  [[old:ps:089:12|Десницу твою тако скажи ми, и окованныя сердцем в мудрости.]]
  -  [[old:ps:089:13|Обратися, Господи, доколе? и умолен буди на рабы Твоя.]]
  - [[old:ps:089:14|Исполнихомся заутра милости Твоея, Господи, и возрадовахомся и возвеселихомся:]]
  - [[old:ps:089:15|во вся дни наша возвеселихомся, за дни, в няже смирил ны еси, лета, в няже видехом злая.]]
  - [[old:ps:089:16|И призри на рабы Твоя и на дела Твоя, и настави сыны их.]]
  - [[old:ps:089:17|И буди светлость Господа Бога нашего на нас, и дела рук наших исправи на нас, и дело рук наших исправи.]]