====== Псалтирь. Псалом 90 ======
  - [[old:ps:090:01|Живый в помощи Вышняго, в крове Бога Небеснаго водворится,]]
  - [[old:ps:090:02|речет Господеви: Заступник мой еси и Прибежище мое, Бог мой, и уповаю на Него.]]
  - [[old:ps:090:03|Яко Той избавит тя от сети ловчи и от словесе мятежна:]]
  - [[old:ps:090:04|плещма Своима осенит тя, и под криле Его надеешися: оружием обыдет тя истина Его.]]
  - [[old:ps:090:05|Не убоишися от страха нощнаго, от стрелы летящия во дни,]]
  - [[old:ps:090:06|от вещи во тме преходящия, от сряща и беса полуденнаго.]]
  - [[old:ps:090:07|Падет от страны твоея тысяща, и тма одесную тебе, к тебе же не приближится:]]
  - [[old:ps:090:08|обаче очима твоима смотриши и воздаяние грешников узриши.]]
  - [[old:ps:090:09|Яко Ты, Господи, упование мое: Вышняго положил еси прибежище твое.]]
  - [[old:ps:090:10|Не приидет к тебе зло, и рана не приближится телеси твоему:]]
  - [[old:ps:090:11|яко Ангелом Своим заповесть о тебе, сохранити тя во всех путех твоих.]]
  - [[old:ps:090:12|На руках возмут тя, да не когда преткнеши о камень ногу твою:]]
  - [[old:ps:090:13|на аспида и василиска наступиши, и попереши льва и змия.]]
  - [[old:ps:090:14|Яко на Мя упова, и избавлю и: покрыю и, яко позна имя Мое.]]
  - [[old:ps:090:15|Воззовет ко Мне, и услышу его: с ним есмь в скорби, изму его и прославлю его:]]
  - [[old:ps:090:16|долготою дней исполню его и явлю ему спасение Мое.]]