====== Псалтирь. Псалом 93 ======
  - [[old:ps:093:01|Бог отмщений Господь, Бог отмщений не обинулся есть.]]
  - [[old:ps:093:02|Вознесися, судяй земли, воздаждь воздаяние гордым.]]
  - [[old:ps:093:03|Доколе грешницы, Господи, доколе грешницы восхвалятся?]]
  - [[old:ps:093:04|Провещают и возглаголют неправду, возглаголют вси делающии беззаконие?]]
  - [[old:ps:093:05|Люди Твоя, Господи, смириша, и достояние Твое озлобиша:]]
  - [[old:ps:093:06|вдовицу и сира умориша, и пришелца убиша,]]
  - [[old:ps:093:07|и реша: не узрит Господь, ниже уразумеет Бог Иаковль.]]
  - [[old:ps:093:08|Разумейте же, безумнии в людех, и буии некогда, умудритеся:]]
  - [[old:ps:093:09|насаждей ухо, не слышит ли? или создавый око, не сматряет ли?]]
  - [[old:ps:093:10|наказуяй языки, не обличит ли, учай человека разуму?]]
  - [[old:ps:093:11|Господь весть помышления человеческая, яко суть суетна.]]
  -  [[old:ps:093:12|Блажен человек, егоже аще накажеши, Господи, и от закона Твоего научиши его:]]
  - [[old:ps:093:13|укротити его от дний лютых, дондеже изрыется грешному яма.]] 
  - [[old:ps:093:14|Яко не отринет Господь людий Своих, и достояния Своего не оставит:]] 
  - [[old:ps:093:15|дондеже правда обратится на суд, и держащиися ея вси правии сердцем.]] 
  - [[old:ps:093:16|Кто востанет ми на лукавнующыя? или кто спредстанет ми на делающыя беззаконие?]]
  - [[old:ps:093:17|Аще не Господь помогл бы ми, вмале вселилася бы во ад душа моя.]]
  - [[old:ps:093:18|Аще глаголах: подвижеся нога моя, милость Твоя, Господи, помогаше ми:]]
  -  [[old:ps:093:19|по множеству болезней моих в сердцы моем, утешения Твоя возвеселиша душу мою.]]
  -  [[old:ps:093:20|Да не пребудет Тебе престол беззакония, созидаяй труд на повеление.]]
  - [[old:ps:093:21|Уловят на душу праведничу, и кровь неповинную осудят.]] 
  - [[old:ps:093:22|И бысть мне Господь в прибежище, и Бог мой в помощь упования моего:]]
  - [[old:ps:093:23|и воздаст им Господь беззаконие их, и по лукавствию их погубит я Господь Бог.]]