====== Псалтирь. Псалом 95 ======
  - [[old:ps:095:01|Воспойте Господеви песнь нову, воспойте Господеви вся земля:]]
  - [[old:ps:095:02|воспойте Господеви, благословите имя Его: благовестите день от дне спасение Его.]]
  - [[old:ps:095:03|Возвестите во языцех славу Его, во всех людех чудеса Его.]]
  - [[old:ps:095:04|Яко велий Господь и хвален зело, страшен есть над всеми боги.]]
  - [[old:ps:095:05|Яко вси бози язык бесове: Господь же небеса сотвори.]]
  - [[old:ps:095:06|Исповедание и красота пред Ним, святыня и великолепие во святиле Его.]]
  - [[old:ps:095:07|Принесите Господеви, отечествия язык, принесите Господеви славу и честь.]]
  - [[old:ps:095:08|Принесите Господеви славу имени Его: возмите жертвы и входите во дворы Его.]]
  -  [[old:ps:095:09|Поклонитеся Господеви во дворе святем Его: да подвижится от лица Его вся земля.]]
  - [[old:ps:095:10|Рцыте во языцех, яко Господь воцарися: ибо исправи вселенную, яже не подвижится: судит людем правостию.]]
  - [[old:ps:095:11|Да возвеселятся небеса, и радуется земля: да подвижится море и исполнение Его:]]
  - [[old:ps:095:12|возрадуются поля, и вся яже на них: тогда возрадуются вся древа дубравная]]
  - [[old:ps:095:13|от лица Господня, яко грядет, яко грядет судити земли: судити вселенней в правду, и людем истиною Своею.]]