====== Псалтирь. Псалом 96 ======
  - [[old:ps:096:01|Господь воцарися, да радуется земля, да веселятся острови мнози.]]
  - [[old:ps:096:02|Облак и мрак окрест Его: правда и судба исправление престола Его.]]
  - [[old:ps:096:03|Огнь пред Ним предидет и попалит окрест враги Его.]]
  - [[old:ps:096:04|Осветиша молния Его вселенную: виде и подвижеся земля.]]
  - [[old:ps:096:05|Горы яко воск растаяша от лица Господня, от лица Господа всея земли.]]
  - [[old:ps:096:06|Возвестиша небеса правду Его, и видеша вси людие славу Его.]]
  - [[old:ps:096:07|Да постыдятся вси кланяющиися истуканным, хвалящиися о идолех своих: поклонитеся Ему, вси ангели Его.]]
  - [[old:ps:096:08|Слыша и возвеселися Сион, и возрадовашася дщери иудейския, судеб ради Твоих, Господи:]]
  - [[old:ps:096:09|яко Ты Господь вышний над всею землею, зело превознеслся еси над всеми боги.]]
  - [[old:ps:096:10|Любящии Господа, ненавидите злая: хранит Господь душы преподобных Своих, из руки грешничи избавит я.]]
  - [[old:ps:096:11|Свет возсия праведнику, и правым сердцем веселие.]]
  - [[old:ps:096:12|Веселитеся, праведнии, о Господе, и исповедайте память святыни Его.]]