====== Псалтирь. Псалом 102 ======
  - [[old:ps:102:01|Благослови, душе моя, Господа, и вся внутренняя моя имя святое Его:]]
  - [[old:ps:102:02|благослови, душе моя, Господа, и не забывай всех воздаяний Его:]]
  - [[old:ps:102:03|очищающаго вся беззакония твоя, изцеляющаго вся недуги твоя,]]
  - [[old:ps:102:04|избавляющаго от истления живот твой, венчающаго тя милостию и щедротами,]]
  - [[old:ps:102:05|исполняющаго во благих желание твое: обновится яко орля юность твоя.]]
  - [[old:ps:102:06|Творяй милостыни Господь и судьбу всем обидимым.]]
  - [[old:ps:102:07|Сказа пути Своя Моисеови, сыновом Израилевым хотения Своя.]]
  - [[old:ps:102:08|Щедр и милостив Господь, долготерпелив и многомилостив.]]
  - [[old:ps:102:09|Не до конца прогневается, ниже во век враждует:]]
  - [[old:ps:102:10|не по беззаконием нашым сотворил есть нам, ниже по грехом нашым воздал есть нам.]]
  - [[old:ps:102:11|Яко по высоте небесней от земли, утвердил есть Господь милость Свою на боящихся Его:]]
  - [[old:ps:102:12|елико отстоят востоцы от запад, удалил есть от нас беззакония наша.]]
  - [[old:ps:102:13|Якоже щедрит отец сыны, ущедри Господь боящихся Его.]]
  - [[old:ps:102:14|Яко Той позна создание наше, помяну, яко персть есмы.]]
  - [[old:ps:102:15|Человек, яко трава дние его, яко цвет селный, тако оцветет:]]
  - [[old:ps:102:16|яко дух пройде в нем, и не будет, и не познает ктому места своего.]]
  - [[old:ps:102:17|Милость же Господня от века и до века на боящихся Его,]]
  - [[old:ps:102:18|и правда Его на сынех сынов, хранящих завет Его и помнящих заповеди Его творити я.]]
  - [[old:ps:102:19|Господь на небеси уготова престол Свой, и Царство Его всеми обладает.]]
  - [[old:ps:102:20|Благословите Господа, вси ангели Его, сильнии крепостию, творящии слово Его, услышати глас словес Его.]]
  - [[old:ps:102:21|Благословите Господа, вся силы Его, слуги Его, творящии волю Его.]]
  - [[old:ps:102:22|Благословите Господа, вся дела Его на всяком месте владычества Его: благослови, душе моя, Господа.]]