====== Псалтирь. Псалом 104 ======
  - [[old:ps:104:01|Исповедайтеся Господеви и призывайте имя Его, возвестите во языцех дела Его:]]
  - [[old:ps:104:02|воспойте Ему и пойте Ему, поведите вся чудеса Его.]]
  - [[old:ps:104:03|Хвалитеся о имени святем Его: да возвеселится сердце ищущих Господа:]]
  - [[old:ps:104:04|взыщите Господа и утвердитеся, взыщите лица Его выну.]]
  - [[old:ps:104:05|Помяните чудеса Его, яже сотвори, чудеса Его и судбы уст Его,]]
  - [[old:ps:104:06|семя Авраамле раби Его, сынове Иаковли избраннии Его.]]
  - [[old:ps:104:07|Той Господь Бог наш: по всей земли судбы Его.]]
  - [[old:ps:104:08|Помяну в век завет Свой, слово, еже заповеда в тысящы родов,]]
  - [[old:ps:104:09|еже завеща Аврааму, и клятву свою Исааку:]]
  - [[old:ps:104:10|и постави ю Иакову в повеление и Израилю в завет вечен,]]
  - [[old:ps:104:11|глаголя: тебе дам землю Ханааню, уже достояния вашего.]]
  - [[old:ps:104:12|Внегда быти им малым числом, малейшым и пришелцем в ней,]]
  - [[old:ps:104:13|и преидоша от языка в язык и от царствия в люди ины:]]
  - [[old:ps:104:14|не остави человека обидети их и обличи о них цари:]]
  - [[old:ps:104:15|не прикасайтеся помазанным Моим, и во пророцех Моих не лукавнуйте.]]
  - [[old:ps:104:16|И призва глад на землю: всяко утверждение хлебное сотры.]]
  - [[old:ps:104:17|Посла пред ними человека: в раба продан бысть Иосиф.]]
  - [[old:ps:104:18|Смириша во оковах нозе его, железо пройде душа его,]]
  - [[old:ps:104:19|дондеже прииде слово Его: слово Господне разжже его.]]
  - [[old:ps:104:20|Посла царь и разреши его: князь людий, и остави его.]]
  - [[old:ps:104:21|Постави его господина дому своему и князя всему стяжанию своему,]]
  - [[old:ps:104:22|наказати князи его яко себе и старцы его умудрити.]]
  - [[old:ps:104:23|И вниде Израиль во Египет, и Иаков пришелствова в землю Хамову.]]
  - [[old:ps:104:24|И возрасти люди Своя зело и укрепи я паче врагов их.]]
  - [[old:ps:104:25|Преврати сердце их возненавидети люди Его, лесть сотворити в рабех Его.]]
  - [[old:ps:104:26|Посла Моисеа раба Своего, Аарона, егоже избра Себе:]]
  - [[old:ps:104:27|положи в них словеса знамений Своих и чудес Своих в земли Хамове.]]
  - [[old:ps:104:28|Посла тму и помрачи, яко преогорчиша словеса Его.]]
  - [[old:ps:104:29|Преложи воды их в кровь и измори рыбы их.]]
  - [[old:ps:104:30|Воскипе земля их жабами в сокровищницах царей их.]]
  - [[old:ps:104:31|Рече, и приидоша песия мухи и скнипы во вся пределы их.]]
  - [[old:ps:104:32|Положи дожди их грады, огнь попаляющь в земли их:]]
  - [[old:ps:104:33|и порази винограды их и смоквы их, и сотры всякое древо предел их.]]
  - [[old:ps:104:34|Рече, и приидоша прузи и гусеницы, имже не бе числа,]]
  - [[old:ps:104:35|и снедоша всяку траву в земли их, и поядоша всяк плод земли их.]]
  - [[old:ps:104:36|И порази всякаго первенца в земли их, начаток всякаго труда их:]]
  -  [[old:ps:104:37|и изведе я с сребром и златом: и не бе в коленех их боляй.]] 
  - [[old:ps:104:38|Возвеселися Египет во исхождении их: яко нападе страх их на ня.]]
  - [[old:ps:104:39|Распростре облак в покров им, и огнь, еже просветити им нощию.]]
  - [[old:ps:104:40|Просиша, и приидоша крастели, и хлеба небеснаго насыти я:]]
  - [[old:ps:104:41|разверзе камень, и потекоша воды, потекоша в безводных реки:]]
  - [[old:ps:104:42|яко помяну слово святое свое, еже ко Аврааму рабу Своему.]]
  - [[old:ps:104:43|И изведе люди Своя в радости и избранныя Своя в веселии.]]
  - [[old:ps:104:44|И даде им страны язык, и труды людий наследоваша:]]
  - [[old:ps:104:45|яко да сохранят оправдания Его и закона Его взыщут.]]