====== Псалтирь. Псалом 105 ====== - [[old:ps:105:01|Исповедайтеся Господеви, яко благ, яко в век милость Его.]] - [[old:ps:105:02|Кто возглаголет силы Господни, слышаны сотворит вся хвалы Его?]] - [[old:ps:105:03|Блажени хранящии суд и творящии правду во всякое время.]] - [[old:ps:105:04|Помяни нас, Господи, во благоволении людий Твоих, посети нас спасением Твоим,]] - [[old:ps:105:05|видети во благости избранныя Твоя, возвеселитися в веселии языка Твоего, хвалитися с достоянием Твоим.]] - [[old:ps:105:06|Согрешихом со отцы нашими, беззаконновахом, неправдовахом:]] - [[old:ps:105:07|отцы наши во Египте не разумеша чудес Твоих, ни помянуша множества милости Твоея: и преогорчиша восходяще в Чермное море.]] - [[old:ps:105:08|И спасе их имене Своего ради, сказати силу Свою:]] - [[old:ps:105:09|и запрети Чермному морю, и изсяче: и настави я в бездне яко в пустыни.]] - [[old:ps:105:10|И спасе я из руки ненавидящих и избави я из руки врагов.]] - [[old:ps:105:11|Покры вода стужающыя им: ни един от них избысть.]] - [[old:ps:105:12|И вероваша словеси Его и воспеша хвалу Его.]] - [[old:ps:105:13|Ускориша, забыша дела Его, не стерпеша совета Его:]] - [[old:ps:105:14|и похотеша желанию в пустыни и искусиша Бога в безводней.]] - [[old:ps:105:15|И даде им прошение их, посла сытость в душы их.]] - [[old:ps:105:16|И прогневаша Моисеа в стану, Аарона святаго Господня.]] - [[old:ps:105:17|Отверзеся земля и пожре Дафана и покры на сонмищи Авирона:]] - [[old:ps:105:18|и разжжеся огнь в сонме их, пламень попали грешники.]] - [[old:ps:105:19|И сотвориша телца в Хориве и поклонишася истуканному:]] - [[old:ps:105:20|и измениша славу Его в подобие телца ядущаго траву.]] - [[old:ps:105:21|И забыша Бога спасающаго их, сотворшаго велия во Египте,]] - [[old:ps:105:22|чудеса в земли Хамове, страшная в мори Чермнем.]] - [[old:ps:105:23|И рече потребити их, аще не бы Моисей избранный Его стал в сокрушении пред ним, возвратити ярость Его, да не погубит их.]] - [[old:ps:105:24|И уничижиша землю желанную, не яша веры словеси Его:]] - [[old:ps:105:25|и поропташа в селениих своих, не услышаша гласа Господня.]] - [[old:ps:105:26|И воздвиже руку Свою на ня, низложити я в пустыни,]] - [[old:ps:105:27|и низложити семя их во языцех, и расточити я в страны.]] - [[old:ps:105:28|И причастишася веельфегору и снедоша жертвы мертвых:]] - [[old:ps:105:29|и раздражиша Его в начинаниих Своих, и умножися в них падение.]] - [[old:ps:105:30|И ста Финеес и умилостиви, и преста сечь:]] - [[old:ps:105:31|и вменися ему в правду, в род и род до века.]] - [[old:ps:105:32|И прогневаша Его на воде пререкания, и озлоблен бысть Моисей их ради:]] - [[old:ps:105:33|яко преогорчиша дух его и разнствова устнама своима.]] - [[old:ps:105:34|Не потребиша языки, яже рече Господь им.]] - [[old:ps:105:35|И смесишася во языцех и навыкоша делом их:]] - [[old:ps:105:36|и поработаша истуканным их, и бысть им в соблазн.]] - [[old:ps:105:37|И пожроша сыны своя и дщери своя бесовом,]] - [[old:ps:105:38|и пролияша кровь неповинную, кровь сынов своих и дщерей, яже пожроша истуканным Ханаанским: и убиена бысть земля их кровьми]] - [[old:ps:105:39|и осквернися в делех их: и соблудиша в начинаниих своих.]] - [[old:ps:105:40|И разгневася яростию Господь на люди Своя и омерзи достояние Свое:]] - [[old:ps:105:41|и предаде я в руки врагов, и обладаша ими ненавидящии их.]] - [[old:ps:105:42|И стужиша им врази их: и смиришася под руками их.]] - [[old:ps:105:43|Множицею избави я: тии же преогорчиша Его советом своим, и смиришася в беззакониих своих.]] - [[old:ps:105:44|И виде Господь, внегда скорбети им, внегда услышаше моление их:]] - [[old:ps:105:45|и помяну завет Свой, и раскаяся по множеству милости Своея:]] - [[old:ps:105:46|и даде я в щедроты пред всеми пленившими я.]] - [[old:ps:105:47|спаси ны, Господи, Боже наш, и собери ны от язык, исповедатися имени Твоему Святому, хвалитися во хвале Твоей.]] - [[old:ps:105:48|Благословен Господь Бог Израилев от века и до века. И рекут вси людие: буди, буди.]]