====== Псалтирь. Псалом 107 ======
  - [[old:ps:107:01|Песнь, псалом Давиду.]]
  - [[old:ps:107:02|Готово сердце мое, Боже, готово сердце мое: воспою и пою во славе моей.]]
  - [[old:ps:107:03|Востани, слава моя, востани, псалтирю и гусли: востану рано.]]
  - [[old:ps:107:04|Исповемся тебе в людех, Господи, пою тебе во языцех:]]
  - [[old:ps:107:05|яко велия верху небес милость Твоя и до облак истина Твоя.]]
  - [[old:ps:107:06|Вознесися на небеса, Боже, и по всей земли слава Твоя,]]
  - [[old:ps:107:07|яко да избавятся возлюбленнии Твои: спаси десницею Твоею и услыши мя.]]
  - [[old:ps:107:08|Бог возглагола во святем своем: вознесуся и разделю сикиму, и удоль селений размерю.]]
  - [[old:ps:107:09|Мой есть Галаад, и мой есть Манассий, и Ефрем заступление главы моея: Иуда царь мой,]]
  - [[old:ps:107:10|моав коноб упования моего: на Идумею наложу сапог мой: мне иноплеменницы покоришася.]]
  - [[old:ps:107:11|Кто введет мя во град ограждения? или кто наставит мя до Идумеи?]]
  - [[old:ps:107:12|Не Ты ли, Боже, отринувый нас, и не изыдеши, Боже, в силах наших?]]
  - [[old:ps:107:13|Даждь нам помощь от скорби: и суетно спасение человеческо.]]
  - [[old:ps:107:14|О Бозе сотворим силу, и Той уничижит враги наша.]]