====== Псалтирь. Псалом 113 ======
  - [[old:ps:113:01|Во исходе Израилеве от Египта, дому Иаковля из людий варвар,]]
  - [[old:ps:113:02|бысть Иудеа святыня Его, Израиль область Его.]]
  - [[old:ps:113:03| Море виде и побеже, Иордан возвратися вспять:]]
  - [[old:ps:113:04|горы взыграшася яко овни, и холми яко агнцы овчии.]]
  - [[old:ps:113:05|Что ти есть, море, яко побегло еси, и тебе, Иордане, яко возвратился еси вспять?]]
  - [[old:ps:113:06|горы, яко взыграстеся яко овни, и холми яко агнцы овчии?]]
  - [[old:ps:113:07|От лица Господня подвижеся земля, от лица Бога Иаковля:]]
  - [[old:ps:113:08| обращшаго камень во езера водная и несекомый во источники водныя.]]
  - [[old:ps:113:09|Не нам, Господи, не нам, но имени Твоему даждь славу о милости Твоей и истине Твоей:]]
  - [[old:ps:113:10|да не когда рекут языцы: где есть Бог их?]]
  - [[old:ps:113:11|Бог же наш на небеси и на земли, вся елика восхоте, сотвори.]]
  - [[old:ps:113:12|Идоли язык сребро и злато, дела рук человеческих:]]
  - [[old:ps:113:13|уста имут, и не возглаголют: очи имут, и не узрят:]]
  - [[old:ps:113:14|ушы имут, и не услышат: ноздри имут, и не обоняют:]]
  - [[old:ps:113:15|руце имут, и не осяжут: нозе имут, и не пойдут: не возгласят гортанем своим.]]
  - [[old:ps:113:16| Подобни им да будут творящии я и вси надеющиися на ня.]]
  - [[old:ps:113:17|Дом Израилев упова на Господа: Помощник и Защититель им есть.]]
  - [[old:ps:113:18|Дом Ааронь упова на Господа: Помощник и Защититель им есть.]]
  - [[old:ps:113:19|Боящиися Господа уповаша на Господа: Помощник и Защититель им есть.]]
  - [[old:ps:113:20|Господь помянув ны благословил есть нас: благословил есть дом Израилев, благословил есть дом Ааронь,]]
  - [[old:ps:113:21|благословил есть боящыяся Господа, малыя с великими.]]
  - [[old:ps:113:22|Да приложит Господь на вы, на вы и на сыны вашя:]]
  - [[old:ps:113:23|благословени вы Господеви, сотворшему небо и землю.]] 
  - [[old:ps:113:24|Небо небесе Господеви, землю же даде сыновом человеческим.]]
  - [[old:ps:113:25|Не мертвии восхвалят Тя, Господи, ниже вси низходящии во ад:]]
  - [[old:ps:113:26|но мы живии благословим Господа отныне и до века.]]