====== Псалтирь. Псалом 117 ======
  - [[old:ps:117:01|Исповедайтеся Господеви, яко благ, яко в век милость его.]] 
  - [[old:ps:117:02|Да речет убо дом Израилев: яко благ, яко в век милость его.]] 
  - [[old:ps:117:03|Да речет убо дом Ааронь: яко благ, яко в век милость его.]] 
  - [[old:ps:117:04|Да рекут убо вси боящиися Господа: яко благ, яко в век милость его.]] 
  - [[old:ps:117:05|От скорби призвах Господа, и услыша мя в пространство.]] 
  - [[old:ps:117:06|Господь мне помощник, и не убоюся: что сотворит мне человек?]] 
  - [[old:ps:117:07|Господь мне помощник, и аз воззрю на враги моя.]] 
  - [[old:ps:117:08|Благо есть надеятися на Господа, нежели надеятися на человека:]] 
  - [[old:ps:117:09|благо есть уповати на Господа, нежели уповати на князи.]] 
  - [[old:ps:117:10|Вси языцы обыдоша мя, и именем Господним противляхся им:]] 
  - [[old:ps:117:11|обышедше обыдоша мя, и именем Господним противляхся им:]] 
  - [[old:ps:117:12|обыдоша мя яко пчелы сот, и разгорешася яко огнь в тернии: и именем Господним противляхся им.]] 
  - [[old:ps:117:13|Отриновен превратихся пасти, и Господь прият мя.]] 
  - [[old:ps:117:14|Крепость моя и пение мое Господь, и бысть ми во спасение.]] 
  - [[old:ps:117:15|Глас радости и спасения в селениих праведных: десница Господня сотвори силу.]] 
  - [[old:ps:117:16|Десница Господня вознесе мя, десница Господня сотвори силу.]] 
  - [[old:ps:117:17|Не умру, но жив буду и повем дела Господня.]] 
  - [[old:ps:117:18|Наказуя наказа мя Господь, смерти же не предаде мя.]] 
  - [[old:ps:117:19|Отверзите мне врата правды: вшед в ня, исповемся Господеви.]] 
  - [[old:ps:117:20|Сия врата Господня: праведнии внидут в ня.]] 
  - [[old:ps:117:21|Исповемся тебе, яко услышал мя еси и был еси мне во спасение.]] 
  - [[old:ps:117:22|Камень, егоже небрегоша зиждущии, сей бысть во главу угла:]] 
  - [[old:ps:117:23|от Господа бысть сей, и есть дивен во очесех наших.]] 
  - [[old:ps:117:24|Сей день, егоже сотвори Господь, возрадуемся и возвеселимся в онь.]] 
  - [[old:ps:117:25|о, Господи, спаси же: о, Господи, поспеши же.]] 
  - [[old:ps:117:26|Благословен грядый во имя Господне: благословихом вы из дому Господня.]] 
  - [[old:ps:117:27|Бог Господь, и явися нам: составите праздник во учащающих до рог олтаревых.]] 
  - [[old:ps:117:28|Бог мой еси Ты, и исповемся тебе: Бог мой еси ты, и вознесу тя: исповемся тебе, яко услышал мя еси и был еси мне во спасение.]] 
  - [[old:ps:117:29|Исповедайтеся Господеви, яко благ, яко в век милость его.]]