====== Псалтирь. Псалом 118 ====== [[old:ps:118:000|Предисловие]] - [[old:ps:118:001|Блажени непорочнии в путь, ходящии в законе Господни.]] - [[old:ps:118:002|Блажени испытающии свидения Его, всем сердцем взыщут Его.]] - [[old:ps:118:003|Не делающии бо беззакония в путех Его ходиша.]] - [[old:ps:118:004|Ты заповедал еси заповеди Твоя сохранити зело:]] - [[old:ps:118:005|дабы исправилися путие мои, сохранити оправдания Твоя.]] - [[old:ps:118:006|Тогда не постыжуся, внегда призрети ми на вся заповеди Твоя.]] - [[old:ps:118:007|Исповемся Тебе в правости сердца, внегда научитимися судьбам правды Твоея.]] - [[old:ps:118:008|Оправдания Твоя сохраню: не остави мене до зела.]] - [[old:ps:118:009|В чесом исправит юнейший путь свой? внегда сохранити словеса Твоя.]] - [[old:ps:118:010|Всем сердцем моим взысках Тебе: не отрини мене от заповедий Твоих.]] - [[old:ps:118:011|В сердцы моем скрых словеса Твоя, яко да не согрешу Тебе.]] - [[old:ps:118:012|Благословен еси, Господи: научи мя оправданием Твоим.]] - [[old:ps:118:013|Устнама моима возвестих вся судьбы уст Твоих.]] - [[old:ps:118:014|На пути свидений Твоих насладихся, яко о всяком богатстве.]] - [[old:ps:118:015|В заповедех Твоих поглумлюся, и уразумею пути Твоя.]] - [[old:ps:118:016|Во оправданиих Твоих поучуся: не забуду словес Твоих.]] - [[old:ps:118:017|Воздаждь рабу Твоему: живи мя, и сохраню словеса Твоя.]] - [[old:ps:118:018|Открый очи мои, и уразумею чудеса от закона Твоего.]] - [[old:ps:118:019|Пришлец аз есмь на земли: не скрый от мене заповеди Твоя.]] - [[old:ps:118:020|Возлюби душа моя возжелати судьбы Твоя на всякое время.]] - [[old:ps:118:021|Запретил еси гордым: прокляти уклоняющиися от заповедий Твоих.]] - [[old:ps:118:022|Отими от мене понос и уничижение, яко свидений Твоих взысках.]] - [[old:ps:118:023|Ибо седоша князи и на мя клеветаху, раб же Твой глумляшеся во оправданиих Твоих:]] - [[old:ps:118:024|ибо свидения Твоя поучение мое есть, и совети мои оправдания Твоя.]] - [[old:ps:118:025|Прильпе земли душа моя: живи мя по словеси Твоему.]] - [[old:ps:118:026|Пути моя возвестих, и услышал мя еси: научи мя оправданием Твоим.]] - [[old:ps:118:027|Путь оправданий Твоих вразуми ми, и поглумлюся в чудесех Твоих.]] - [[old:ps:118:028|Воздрема душа моя от уныния: утверди мя в словесех Твоих.]] - [[old:ps:118:029|Путь неправды отстави от мене и законом твоим помилуй мя.]] - [[old:ps:118:030|Путь истины изволих и судьбы Твоя не забых.]] - [[old:ps:118:031|Прилепихся свидением Твоим, Господи, не посрами мене.]] - [[old:ps:118:032|Путь заповедий Твоих текох, егда разширил еси сердце мое.]] - [[old:ps:118:033|Законоположи мне, Господи, путь оправданий Твоих, и взыщу и выну:]] - [[old:ps:118:034|вразуми мя, и испытаю закон Твой и сохраню и всем сердцем моим.]] - [[old:ps:118:035|Настави мя на стезю заповедий Твоих, яко тую восхотех.]] - [[old:ps:118:036|Приклони сердце мое во свидения Твоя, а не в лихоимство.]] - [[old:ps:118:037|Отврати очи мои еже не видети суеты: в пути Твоем живи мя.]] - [[old:ps:118:038|Постави рабу Твоему слово Твое в страх Твой.]] - [[old:ps:118:039|Отими поношение мое, еже непщевах: яко судьбы Твоя благи.]] - [[old:ps:118:040|Се, возжелах заповеди Твоя: в правде Твоей живи мя.]] - [[old:ps:118:041|И да приидет на мя милость Твоя, Господи, спасение Твое по словеси Твоему:]] - [[old:ps:118:042|и отвещаю поношающым ми слово, яко уповах на словеса Твоя.]] - [[old:ps:118:043|И не отъими от уст моих словесе истинна до зела, яко на судьбы Твоя уповах:]] - [[old:ps:118:044|и сохраню закон Твой выну, в век и в век века.]] - [[old:ps:118:045|И хождах в широте, яко заповеди Твоя взысках:]] - [[old:ps:118:046|и глаголах о свидениих Твоих пред цари и не стыдяхся:]] - [[old:ps:118:047|и поучахся в заповедех Твоих, яже возлюбих зело:]] - [[old:ps:118:048|и воздвигох руце мои к заповедем Твоим, яже возлюбих, и глумляхся во оправданиих Твоих.]] - [[old:ps:118:049|Помяни словеса Твоя рабу Твоему, ихже упование дал ми еси.]] - [[old:ps:118:050|То мя утеши во смирении моем, яко слово Твое живи мя.]] - [[old:ps:118:051|Гордии законопреступоваху до зела: от закона же Твоего не уклонихся.]] - [[old:ps:118:052|Помянух судьбы Твоя от века, Господи, и утешихся.]] - [[old:ps:118:053|Печаль прият мя от грешник, оставляющих закон Твой.]] - [[old:ps:118:054|Пета бяху мне оправдания Твоя на месте пришельствия моего.]] - [[old:ps:118:055|Помянух в нощи имя Твое, Господи, и сохраних закон Твой.]] - [[old:ps:118:056|Сей бысть мне, яко оправданий Твоих взысках.]] - [[old:ps:118:057|Часть моя еси, Господи: рех сохранити закон Твой.]] - [[old:ps:118:058|Помолихся лицу Твоему всем сердцем моим: помилуй мя по словеси Твоему.]] - [[old:ps:118:059|Помыслих пути Твоя и возвратих нозе мои во свидения Твоя.]] - [[old:ps:118:060|Уготовихся и не смутихся сохранити заповеди Твоя.]] - [[old:ps:118:061|Ужя грешник обязашася мне, и закона Твоего не забых.]] - [[old:ps:118:062|Полунощи востах исповедатися Тебе о судьбах правды Твоея.]] - [[old:ps:118:063|Причастник аз есмь всем боящымся тебе и хранящым заповеди Твоя.]] - [[old:ps:118:064|Милости Твоея, Господи, исполнь земля: оправданием Твоим научи мя.]] - [[old:ps:118:065|Благость сотворил еси с рабом Твоим, Господи, по словеси Твоему:]] - [[old:ps:118:066|благости и наказанию и разуму научи мя, яко заповедем Твоим веровах.]] - [[old:ps:118:067|Прежде даже не смирити ми ся, аз прегреших: сего ради слово Твое сохраних.]] - [[old:ps:118:068|Благ еси Ты, Господи: и благостию Твоею научи мя оправданием Твоим.]] - [[old:ps:118:069|Умножися на мя неправда гордых: аз же всем сердцем моим испытаю заповеди Твоя.]] - [[old:ps:118:070|Усырися яко млеко сердце их: аз же закону Твоему поучихся.]] - [[old:ps:118:071|Благо мне, яко смирил мя еси, яко да научуся оправданием Твоим.]] - [[old:ps:118:072|Благ мне закон уст Твоих паче тысящ злата и сребра.]] - [[old:ps:118:073|Руце Твои сотвористе мя и создасте мя: вразуми мя, и научуся заповедем Твоим.]] - [[old:ps:118:074|Боящиися Тебе узрят мя и возвеселятся, яко на словеса Твоя уповах.]] - [[old:ps:118:075|Разумех, Господи, яко правда судьбы Твоя, и воистинну смирил мя еси.]] - [[old:ps:118:076|Буди же милость Твоя, да утешит мя, по словеси Твоему рабу Твоему:]] - [[old:ps:118:077|да приидут мне щедроты Твоя, и жив буду, яко закон Твой поучение мое есть:]] - [[old:ps:118:078|Да постыдятся гордии, яко неправедно беззаконноваша на мя: аз же поглумлюся в заповедех Твоих.]] - [[old:ps:118:079|Да обратят мя боящиися Тебе и ведящии свидения Твоя.]] - [[old:ps:118:080|Буди сердце мое непорочно во оправданиих Твоих, яко да не постыжуся.]] - [[old:ps:118:081|Изчезает во спасение Твое душа моя, на словеса Твоя уповах:]] - [[old:ps:118:082|изчезоша очи мои в слово Твое, глаголюще: когда утешиши мя?]] - [[old:ps:118:083|зане бых яко мех на слане: оправданий Твоих не забых.]] - [[old:ps:118:084|Колико есть дний раба Твоего? когда сотвориши ми от гонящих мя суд?]] - [[old:ps:118:085|Поведаша мне законопреступницы глумления, но не яко закон Твой, Господи.]] - [[old:ps:118:086|Вся заповеди Твоя истина: неправедно погнаша мя, помози ми.]] - [[old:ps:118:087|Вмале не скончаша мене на земли: аз же не оставих заповедий Твоих.]] - [[old:ps:118:088|По милости Твоей живи мя, и сохраню свидения уст Твоих.]] - [[old:ps:118:089|Во век, Господи, слово Твое пребывает на небеси.]] - [[old:ps:118:090|В род и род истина Твоя: основал еси землю, и пребывает.]] - [[old:ps:118:091|Учинением Твоим пребывает день: яко всяческая работна Тебе.]] - [[old:ps:118:092|Яко аще бы не закон Твой поучение мое был, тогда убо погибл бых во смирении моем:]] - [[old:ps:118:093|во век не забуду оправданий Твоих, яко в них оживил мя еси.]] - [[old:ps:118:094|Твой есмь аз, спаси мя: яко оправданий Твоих взысках.]] - [[old:ps:118:095|Мене ждаша грешницы погубити мя: свидения Твоя разумех.]] - [[old:ps:118:096|Всякия кончины видех конец: широка заповедь Твоя зело.]] - [[old:ps:118:097|Коль возлюбих закон Твой, Господи: весь день поучение мое есть.]] - [[old:ps:118:098|Паче враг моих умудрил мя еси заповедию Твоею, яко в век моя есть.]] - [[old:ps:118:099|Паче всех учащих мя разумех, яко свидения Твоя поучение мое есть.]] - [[old:ps:118:100|Паче старец разумех, яко заповеди Твоя взысках.]] - [[old:ps:118:101|От всякаго пути лукава возбраних ногам моим, яко да сохраню словеса Твоя:]] - [[old:ps:118:102|от судеб Твоих не уклонихся, яко Ты законоположил ми еси.]] - [[old:ps:118:103|Коль сладка гортани моему словеса Твоя: паче меда устом моим.]] - [[old:ps:118:104|От заповедий Твоих разумех: сего ради возненавидех всяк путь неправды.]] - [[old:ps:118:105|Светильник ногама моима закон Твой, и свет стезям моим.]] - [[old:ps:118:106|Кляхся и поставих сохранити судьбы правды Твоея.]] - [[old:ps:118:107|Смирихся до зела: Господи, живи мя по словеси Твоему.]] - [[old:ps:118:108|Вольная уст моих благоволи же, Господи, и судьбам Твоим научи мя.]] - [[old:ps:118:109|Душа моя в руку Твоею выну, и закона Твоего не забых.]] - [[old:ps:118:110|Положиша грешницы сеть мне: и от заповедий Твоих не заблудих.]] - [[old:ps:118:111|Наследовах свидения Твоя во век, яко радование сердца моего суть:]] - [[old:ps:118:112|приклоних сердце мое сотворити оправдания Твоя в век за воздаяние.]] - [[old:ps:118:113|Законопреступныя возненавидех, закон же Твой возлюбих.]] - [[old:ps:118:114|Помощник мой и заступник мой еси Ты: на словеса Твоя уповах.]] - [[old:ps:118:115|Уклонитеся от мене, лукавнующии, и испытаю заповеди Бога моего.]] - [[old:ps:118:116|Заступи мя по словеси Твоему, и жив буду: и не посрами мене от чаяния моего:]] - [[old:ps:118:117|помози ми, и спасуся, и поучуся во оправданиих Твоих выну.]] - [[old:ps:118:118|Уничижил еси вся отступающыя от оправданий Твоих: яко неправедно помышление их.]] - [[old:ps:118:119|Преступающыя непщевах вся грешныя земли: сего ради возлюбих свидения Твоя.]] - [[old:ps:118:120|Пригвозди страху Твоему плоти моя: от судеб бо Твоих убояхся.]] - [[old:ps:118:121|Сотворих суд и правду: не предаждь мене обидящым мя.]] - [[old:ps:118:122|Восприими раба Твоего во благо, да не оклеветают мене гордии.]] - [[old:ps:118:123|Очи мои изчезосте во спасение Твое и в слово правды Твоея:]] - [[old:ps:118:124|сотвори с рабом Твоим по милости Твоей, и оправданием Твоим научи мя.]] - [[old:ps:118:125|Раб Твой есмь аз: вразуми мя, и увем свидения Твоя.]] - [[old:ps:118:126|Время сотворити Господеви: разориша закон Твой.]] - [[old:ps:118:127|Сего ради возлюбих заповеди Твоя паче злата и топазиа.]] - [[old:ps:118:128|Сего ради ко всем заповедем Твоим направляхся, всяк путь неправды возненавидех.]] - [[old:ps:118:129|Дивна свидения Твоя: сего ради испыта я душа моя.]] - [[old:ps:118:130|Явление словес Твоих просвещает и вразумляет младенцы.]] - [[old:ps:118:131|Уста моя отверзох и привлекох дух, яко заповедий Твоих желах.]] - [[old:ps:118:132|Призри на мя и помилуй мя, по суду любящих имя Твое.]] - [[old:ps:118:133|Стопы моя направи по словеси Твоему, и да не обладает мною всякое беззаконие:]] - [[old:ps:118:134|избави мя от клеветы человеческия, и сохраню заповеди Твоя.]] - [[old:ps:118:135|Лице Твое просвети на раба Твоего и научи мя оправданием Твоим.]] - [[old:ps:118:136|Исходища водная изведосте очи мои, понеже не сохраних закона Твоего.]] - [[old:ps:118:137|Праведен еси, Господи, и прави суди Твои:]] - [[old:ps:118:138|заповедал еси правду свидения Твоя, и истину зело.]] - [[old:ps:118:139|Истаяла мя есть ревность Твоя: яко забыша словеса Твоя врази мои.]] - [[old:ps:118:140|Разжжено слово Твое зело, и раб Твой возлюби е.]] - [[old:ps:118:141|Юнейший аз есмь и уничижен: оправданий Твоих не забых.]] - [[old:ps:118:142|Правда Твоя правда во век, и закон Твой истина.]] - [[old:ps:118:143|Скорби и нужди обретоша мя: заповеди Твоя поучение мое.]] - [[old:ps:118:144|Правда свидения Твоя в век: вразуми мя, и жив буду.]] - [[old:ps:118:145|Воззвах всем сердцем моим, услыши мя, Господи: оправдания Твоя взыщу.]] - [[old:ps:118:146|Воззвах Ти, спаси мя, и сохраню свидения Твоя.]] - [[old:ps:118:147|Предварих в безгодии и воззвах: на словеса Твоя уповах.]] - [[old:ps:118:148|Предваристе очи мои ко утру, поучитися словесем Твоим.]] - [[old:ps:118:149|Глас мой услыши, Господи, по милости Твоей: по судьбе Твоей живи мя.]] - [[old:ps:118:150|Приближишася гонящии мя беззаконием: от закона же Твоего удалишася.]] - [[old:ps:118:151|Близ еси Ты, Господи, и вси путие Твои истина.]] - [[old:ps:118:152|Исперва познах от свидений Твоих, яко в век основал я еси.]] - [[old:ps:118:153|Виждь смирение мое и изми мя: яко закона Твоего не забых.]] - [[old:ps:118:154|Суди суд мой и избави мя: словесе ради Твоего живи мя.]] - [[old:ps:118:155|Далече от грешник спасение, яко оправданий Твоих не взыскаша.]] - [[old:ps:118:156|Щедроты Твоя многи, Господи: по судьбе Твоей живи мя.]] - [[old:ps:118:157|Мнози изгонящии мя и стужающии ми: от свидений Твоих не уклонихся.]] - [[old:ps:118:158|Видех неразумевающыя и истаях: яко словес Твоих не сохраниша.]] - [[old:ps:118:159|Виждь, яко заповеди Твоя возлюбих: Господи, по милости Твоей живи мя.]] - [[old:ps:118:160|Начало словес Твоих истина, и во век вся судьбы правды Твоея.]] - [[old:ps:118:161|Князи погнаша мя туне: и от словес Твоих убояся сердце мое.]] - [[old:ps:118:162|Возрадуюся аз о словесех Твоих, яко обретаяй корысть многу.]] - [[old:ps:118:163|Неправду возненавидех и омерзих: закон же Твой возлюбих.]] - [[old:ps:118:164|Седмерицею днем хвалих Тя о судьбах правды Твоея.]] - [[old:ps:118:165|Мир мног любящым закон Твой, и несть им соблазна.]] - [[old:ps:118:166|Чаях спасения Твоего, Господи, и заповеди Твоя возлюбих.]] - [[old:ps:118:167|Сохрани душа моя свидения Твоя и возлюби я зело.]] - [[old:ps:118:168|Сохраних заповеди Твоя и свидения Твоя, яко вси путие мои пред Тобою, Господи.]] - [[old:ps:118:169|Да приближится моление мое пред Тя, Господи: по словеси Твоему вразуми мя.]] - [[old:ps:118:170|Да внидет прошение мое пред Тя: Господи, по словеси Твоему избави мя.]] - [[old:ps:118:171|Отрыгнут устне мои пение, егда научиши мя оправданием Твоим.]] - [[old:ps:118:172|Провещает язык мой словеса Твоя, яко вся заповеди Твоя правда.]] - [[old:ps:118:173|Да будет рука Твоя еже спасти мя, яко заповеди Твоя изволих.]] - [[old:ps:118:174|Возжелах спасение Твое, Господи, и закон Твой поучение мое есть.]] - [[old:ps:118:175|Жива будет душа моя и восхвалит Тя: и судьбы Твоя помогут мне.]] - [[old:ps:118:176|Заблудих яко овча погибшее: взыщи раба Твоего, яко заповедий Твоих не забых.]]