====== Псалтирь. Псалом 134 ======
  - [[old:ps:134:01|Хвалите имя Господне, хвалите, раби Господа,]]
  - [[old:ps:134:02|стоящии во храме Господни, во дворех дому Бога нашего.]]
  - [[old:ps:134:03|Хвалите Господа, яко благ Господь: пойте имени Его, яко добро:]]
  - [[old:ps:134:04|яко Иакова избра Себе Господь, Израиля в достояние Себе:]]
  - [[old:ps:134:05|яко аз познах, яко велий Господь, и Господь наш над всеми боги:]]
  - [[old:ps:134:06|вся, елика восхоте Господь, сотвори на небеси и на земли, в морях и во всех безднах.]]
  - [[old:ps:134:07|Возводя облаки от последних земли, молнии в дождь сотвори, изводяй ветры от сокровищ своих.]] 
  - [[old:ps:134:08|Иже порази первенцы Египетския от человека до скота:]] 
  - [[old:ps:134:09|посла знамения и чудеса посреде тебе, Египте, на фараона и на вся рабы Его.]]
  - [[old:ps:134:10|Иже порази языки многи и изби цари крепки:]]
  - [[old:ps:134:11|Сиона царя Аморрейска и Ога царя Васанска, и вся царствия Ханаанска:]]
  - [[old:ps:134:12|и даде землю их достояние, достояние Израилю людем Своим.]] 
  - [[old:ps:134:13|Господи, имя Твое в век, и память Твоя в род и род:]]
  - [[old:ps:134:14|яко судити имать Господь людем Своим, и о рабех Своих умолится.]]
  - [[old:ps:134:15|Идоли язык сребро и злато, дела рук человеческих:]]
  - [[old:ps:134:16|уста имут, и не возглаголют: очи имут, и не узрят:]]
  - [[old:ps:134:17|уши имут, и не услышат: ниже бо есть дух во устех их.]]
  - [[old:ps:134:18|Подобни им да будут творящии я и вси надеющиися на ня.]]
  - [[old:ps:134:19|Доме Израилев, благословите Господа: доме Ааронь, благословите Господа: доме Левиин, благословите Господа:]] 
  - [[old:ps:134:20|боящиися Господа, благословите Господа.]]
  - [[old:ps:134:21|Благословен Господь от Сиона, живый во Иерусалиме.]]