====== Псалтирь. Псалом 135 ======
  - [[old:ps:135:01|Исповедайтеся Господеви, яко благ: яко в век милость Его.]]
  - [[old:ps:135:02|Исповедайтеся Богу богов: яко в век милость Его.]]
  - [[old:ps:135:03|Исповедайтеся Господеви господей: яко в век милость Его.]]
  - [[old:ps:135:04|Сотворшему чудеса велия единому: яко в век милость Его.]]
  - [[old:ps:135:05|Сотворшему небеса разумом: яко в век милость Его.]]
  - [[old:ps:135:06|Утвердившему землю на водах: яко в век милость Его.]]
  - [[old:ps:135:07|Сотворшему светила велия единому: яко в век милость Его:]]
  - [[old:ps:135:08|солнце во область дне: яко в век милость Его:]]
  - [[old:ps:135:09|луну и звезды во область нощи: яко в век милость Его.]]
  - [[old:ps:135:10|Поразившему Египта с первенцы его: яко в век милость Его:]]
  - [[old:ps:135:11|и изведшему Израиля от среды их: яко в век милость Его:]]
  - [[old:ps:135:12|рукою крепкою и мышцею высокою: яко в век милость Его.]]
  - [[old:ps:135:13|Раздельшему чермное море в разделения: яко в век милость Его:]]
  - [[old:ps:135:14|и проведшему Израиля посреде его: яко в век милость Его:]]
  - [[old:ps:135:15|и истрясшему фараона и силу его в море чермное: яко в век милость Его.]]
  - [[old:ps:135:16|Проведшему люди своя в пустыни: яко в век милость Его.]]
  - [[old:ps:135:17|Поразившему цари велия: яко в век милость Его.]]
  - [[old:ps:135:18|И убившему цари крепкия: яко в век милость Его:]]
  - [[old:ps:135:19|сиона царя Аморрейска: яко в век милость Его:]]
  - [[old:ps:135:20|и Ога царя Васанска: яко в век милость Его.]]
  - [[old:ps:135:21|И давшему землю их достояние: яко в век милость Его:]]
  - [[old:ps:135:22|достояние Израилю рабу своему: яко в век милость Его.]]
  - [[old:ps:135:23|Яко во смирении нашем помяну ны Господь: яко в век милость Его.]]
  - [[old:ps:135:24|И избавил ны есть от врагов наших: яко в век милость его:]]
  - [[old:ps:135:25|даяй пищу всякой плоти: яко в век милость Его.]]
  - [[old:ps:135:26|Исповедайтеся Богу небесному: яко в век милость Его.]]