====== Псалтирь. Псалом 141 ======
  - [[old:ps:141:01|Разума Давиду, внегда быти ему в вертепе молящемуся.]] 
  - [[old:ps:141:02|Гласом моим ко Господу воззвах, гласом моим ко Господу помолихся.]]
  - [[old:ps:141:03|Пролию пред ним моление мое, печаль мою пред ним возвещу.]]
  - [[old:ps:141:04|Внегда изчезати от мене духу моему, и ты познал еси стези моя: на пути сем, по немуже хождах, скрыша сеть мне.]]
  - [[old:ps:141:05|Смотрях одесную и возглядах, и не бе знаяй мене: погибе бегство от мене, и несть взыскаяй душу мою.]]
  - [[old:ps:141:06|Воззвах к тебе, Господи, рех: ты еси упование мое, часть моя еси на земли живых.]]
  - [[old:ps:141:07|Вонми молению моему, яко смирихся зело: избави мя от гонящих мя, яко укрепишася паче мене.]]
  - [[old:ps:141:08|Изведи из темницы душу мою, исповедатися имени твоему: мене ждут праведницы, дондеже воздаси мне.]]