====== Псалтирь. Псалом 144 ======
  - [[old:ps:144:01|Вознесу тя, Боже мой, Царю мой, и благословлю имя Твое в век и в век века.]] 
  - [[old:ps:144:02|На всяк день благословлю Тя, и восхвалю имя Твое в век и в век века.]]  
  - [[old:ps:144:03|Велий Господь и хвален зело, и величию его несть конца.]] 
  - [[old:ps:144:04|Род и род восхвалят дела Твоя и силу Твою возвестят:]] 
  - [[old:ps:144:05|великолепие славы святыни Твоея возглаголют и чудеса Твоя поведят:]] 
  - [[old:ps:144:06|и силу страшных Твоих рекут и величие Твое поведят:]] 
  - [[old:ps:144:07|память множества благости Твоея отрыгнут и правдою Твоею возрадуются.]] 
  - [[old:ps:144:08|Щедр и милостив Господь, долготерпелив и многомилостив.]] 
  - [[old:ps:144:09|Благ Господь всяческим, и щедроты Его на всех делех Его.]] 
  - [[old:ps:144:10|Да исповедятся Тебе, Господи, вся дела Твоя, и преподобнии Твои да благословят Тя:]] 
  - [[old:ps:144:11|славу Царствия Твоего рекут и силу Твою возглаголют,]] 
  - [[old:ps:144:12|сказати сыновом человеческим силу Твою и славу великолепия Царствия Твоего.]] 
  - [[old:ps:144:13|Царство Твое Царство всех веков, и владычество Твое во всяком роде и роде: верен Господь во всех словесех Своих и преподобен во всех делех Своих.]] 
  - [[old:ps:144:14|Утверждает Господь вся низпадающыя и возставляет вся низверженныя.]]  
  - [[old:ps:144:15|Очи всех на Тя уповают, и Ты даеши им пищу во благовремении:]] 
  - [[old:ps:144:16|отверзаеши Ты руку Твою и исполняеши всякое животно благоволения.]] 
  - [[old:ps:144:17|Праведен Господь во всех путех Своих и преподобен во всех делех Своих.]] 
  - [[old:ps:144:18|Близ Господь всем призывающым Его, всем призывающым Его во истине:]] 
  - [[old:ps:144:19|волю боящихся Его сотворит, и молитву их услышит, и спасет я.]] 
  - [[old:ps:144:20|Хранит Господь вся любящыя Его, и вся грешники потребит.]] 
  - [[old:ps:144:21|Хвалу Господню возглаголют уста моя: и да благословит всяка плоть имя святое Его в век и в век века.]]