====== Псалтирь. Псалом 145 ======
  - [[old:ps:145:01|Хвали, душе моя, Господа:]] 
  - [[old:ps:145:02|восхвалю Господа в животе моем, пою Богу моему, дондеже есмь.]]
  - [[old:ps:145:03|Не надейтеся на князи, на сыны человеческия, в нихже несть спасения.]]
  - [[old:ps:145:04|Изыдет дух его, и возвратится в землю свою: в той день погибнут вся помышления его.]]
  - [[old:ps:145:05|Блажен, емуже Бог Иаковль помощник его, упование его на Господа Бога своего,]]
  - [[old:ps:145:06|сотворшаго небо и землю, море, и вся, яже в них: хранящаго истину в век,]]
  - [[old:ps:145:07|творящаго суд обидимым, дающаго пищу алчущым. Господь решит окованныя:]]
  - [[old:ps:145:08|Господь умудряет слепцы: Господь возводит низверженныя: Господь любит праведники.]]
  - [[old:ps:145:09|Господь хранит пришелцы, сира и вдову приимет, и путь грешных погубит.]] 
  - [[old:ps:145:10|Воцарится Господь во век, Бог твой, Сионе, в род и род.]]